धादिङ उद्योग वाणिज्य संघको वरिष्ठ उपाध्यक्षमा सुदर्शन रिजालद्धारा उम्मेदवारी घोषणा

धादिङबेशी । धादिङ उद्योग वाणिज्य संघको वरिष्ठ उपाध्यक्षमा उम्मेद्वारी घोषणा गर्नेको सख्या २ पुगेको छ । धादिङबेशीमा पत्रकार सम्मेलनको आयोजना गरि ब्यवसायी सुदर्शन रिजालले उम्मेदवारी घोषणा गरे संगै बरिष्ठ उपाध्यक्षमा उम्मेद्वारी घोषणा गर्नेको संख्या २ पुगेको हो ।

यस अघि रोहित भण्डारीले पुर्व अध्ययक्षहरु र ब्यवसायीहरुको उपस्थितिमा बरिष्ठ उपाध्यक्षमा उम्मेद्वारी घोषणा गर्नु भएको थियो ।
मंगलबार धादिङबेशी स्थित आईके होटलमा शुदर्शन रिजालले आफु मात्र उपस्थित भएर उम्मेद्वारी घोषणा गर्नु भएको छ । मंगलबार उम्मेद्वारी घोषणा गर्नुभएका सुदर्शन रिजालले आर्थिक पारदर्शिता र ब्यवसायीक हक हितको लागी आफ्नो उम्मेद्वारी रहेको बताउनु भएको छ ।

यस अघि बरिष्ठ उपाध्यक्षमा उम्मेद्वारी घोषणा गर्नु भएका रोहित भण्डारी भने हाल टिम नै बनाएर चुनावीमा घरदैलोमा ब्यस्त रहनुभएको छ । रिजालको उम्मेद्वारी घोषणा संगै धादिङ उद्योग बाणिज्य संघको चुनावी माहोल तातेको छ ।