गंगाजमुना –३ मा तीज विशेष शुभकामना आदान प्रदान कार्यक्रम

धादिङ, १८ भाद्र ।
धादिङको गंगाजमुना गाउँपालिका वडा नं ३ मा तीज विशेष शुभकामना आदान प्रदान कार्यक्रम गरिएको छ । सोमबार वडा नं ३ को आयोजनामा तीज विशेष शुभकामना आदान प्रदान कार्यक्रम गरिएको हो ।

वडा नं. ३ का वडा अध्यक्ष राजकुमार गुरुङको सभापतित्वमा भएको कार्यक्रममा वडा नं.४ का अध्यक्ष प्रेम बहादुर घलेको प्रमुख आतिथ्यता तथा शान्ति नेपालका फिल्ड संयोजक धर्मराज थपलियाको विशेष आतित्थता रहेको थियो ।

कार्यक्रममा शुभकामना मन्तव्य राख्नु हुदै वडा नं ४ का वडा अध्यक्ष प्रेम बहादुर घलेले महिलाले आफ्नो हक हितको लागि लड्न अघि बढ्नु पर्ने र आफुले पाएको अवसरलाई सदुपयोग गर्दै हरेक सामाजिक क्षेत्रमा अघि बढ्नुपर्ने बताउनुभयो ।

त्यसैगरी वडा नं ३ का अध्यक्ष राजकुमार गुरुङले ३ नं वडाले नजिकिदै गरेको महिलाहरुको महान चाड तिजलाइ मध्यनजर गर्दै तीज विशेष शुभकामना आदान प्रदान कार्यक्रम आयोजना गरिएको बताउनभयो । आगमी वर्षहरुमा पनि यस कार्यक्रमलाई निरन्तरता दिदै अझ व्यवस्थि गर्दै लैजाने वडा अध्यक्ष गुरुङले बताउनुभएको छ ।

उहाँले समाजको परम्परागत संस्कार संस्कृति रितिरिवाज बचाउनका निम्ति वडा सधै तत्पर रहेको भन्दै आफ्नो अभियानमा सम्पुर्ण वडावासीलाई साथ दिनको लागि आग्रह गर्नुभयो ।

कार्यक्रममा आमा समूह, महिला समूह, विभिन्न विद्यालयका प्रधानाध्यापक, शिक्षिक, शिक्षिका, समाजसेवी बुद्धिजीवि लगायत महिलाहरुको उपस्थित रहेको थियो ।