नेत्रावती डबजोङबाट SEE मा ९२.३६ प्रतिशत विद्यार्थी उतीर्ण
धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
नीलकण्ठ बालमन्दिर मा०बि ISO-21001 गुणस्तर प्राप्त गर्ने नेपालकै दोश्रो सामुदायिक बिद्यालय
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
धादिङ,२० असार ।
आयुर्वेद तथा वैकल्पिक चिकित्सालय धादिङले आयुर्वेद सेवा प्रवद्धन गर्नको लागि पत्रकारसँग अन्तरक्रिया कार्यक्रम गरेको छ । कार्यक्रममा आर्थिक बर्ष २०८०÷८१ को असार १५ गतेसम्म आयुर्वेद तथा वैकल्पिक चिकित्सालय धादिङले गरेको सेवाको बारेमा कार्यालयका प्रमुख डा. अमुल्य दाहालले जानकारी गराउनु भएको थियो ।
आयुर्वेद तथा वैकल्पिक चिकित्सालय धादिङबाट २३ हजार ५४६, नागरीक आरोग्य सेवा केन्द्र धादिङबाट ११ हजार ५७६ र आयुर्वेद औषधालयबाट २४ हजार ७०२ जना गरी आर्थिक वर्ष २०८०/०८१ कोे असार १५ गतेसम्म ५९ हजार ८२१ जनाले सेवा लिएको दाहालले बताउनुभयो ।
आयुर्वेद तथा वैकल्पिक चिकित्सालय धादिङले बहिरंग सेवा, फिजियोेथेरापी सेवा, औषधि वितरण, सशुल्क फार्मेसी सेवा, मुख्यमन्त्री जनता स्वास्थ्य कार्यक्रम, ज्येष्ठ नागरिक स्वास्थ्य प्रवर्धन कार्यक्रम, स्तनपायी आमा कार्यक्रम, जनचेतना मुलक कार्यक्रम लगाएतको सेवाहरु प्रदान गरिरहेको दाहालको भनाइ छ ।
अन्तरक्रिया कार्यक्रममा बोल्नुहुँदै जिल्ला प्रशासन कार्यालय धादिङका सहायक प्रमुख जिल्ला अधिकारी युवराज अर्यालले आयुर्वेद प्रति नागरीकहरुको विश्वास बढ्दै गएको बताउनुभयो ।
कार्यालय प्रमुख अमुल्य दाहालको अध्यक्षतामा भएको कार्यक्रममा सहायक प्रमुख जिल्ला अधिकारी युवराज अर्यालको प्रमुख आतिथ्यता तथा धादिङ अस्पतालका निर्देशक गगन कुमार अधिकारी, जन स्वास्थ्य कार्यालय धादिङका प्रमुख विभु कुमार झाको विषेश आतिथ्यता रहेको थियो । कार्यक्रममा नेपाल पत्रकार महासंघ धादिङ शाखाका अध्यक्ष राजाराम शर्मा लगायत जिल्लामा क्रियाशिल पत्रकारहरुको उपस्थिति रहेको थियो ।
