बागमती प्रदेशस्तरीय कविता प्रतियोगितामा धादिङका बिजय तामाङ प्रथम

धादिङ,३० जेठ
बागमती प्रदेशस्तरीय खुला कविता प्रतियोगितामा धादिङका विजय तामाङ प्रथम भएका छन्।नीलकण्ठ प्रज्ञा प्रतिष्ठानले आयोजना गरेको बागमती प्रदेशस्तरीय खुला कविता प्रतियोगितामा जम्मा ३९ जनाको सहभागिता रहेको थियो।मगलबार धादिङबेसीमा सहभागि मध्ये पाँच जनाको कवितालाई प्रज्ञा प्रतिष्ठानले छनोट गरेर वाचन पश्चात प्रथम द्धितिय तृतीय र सान्त्वना छुटाइएको हो ।

कविता प्रतियोगितामा धादिङका विजय तामाङ प्रथम भएका छन् भने नुवाकोटका उत्तम राज भेटुवाल द्धितीय, ललितपुरका अजय रिसाल तृतीय भएका छन् भने सान्त्वना सिन्धुलीका रुपक धलान र नुवाकोटका प्रदिप कोइराला भएका छन् ।खुल्ला कविता प्रतियोगिताको प्रथम हुनुभएको बिजय तामाङले नगद पुरस्कार २० हजार र प्रमाण पत्र प्राप्त गर्नुभएको छ । यसैगरी हुने नुवाकोटका उत्तम राज भेटुवालले नगद पुरस्कार १५ हजार सहित प्रमाण पत्र प्राप्त गर्नुभएको छ भने तेस्रो हुन सफल भएका ललितपुरका अ जय रिसालले नगद १० हजार सहित प्रमाण पत्र प्राप्त गर्नुभएको छ र यसैगरी सान्त्वना हुनुभएका दुई जनालाई नगद ५/५ हजार सहित प्रमाणपत्र वितरण गरिएको थियो ।

कार्यक्रममा झिंगु नेवा समाज धादिङ र ज्यामरुङको पन्चेबाजालाई २० हजार ८१ रुपायौं नगद सहित सम्मान गरिएको थियो । त्यस्तै कार्यक्रमकै अवसर पारेर धादिङका लेखक तथा साहित्यकार गाउँले बलदेव अधिकारीलाई पनि सम्मान गरिएको थियो ।नीलकण्ठ प्रज्ञा प्रतिष्ठानका अध्यक्ष बद्री प्रसाद दाहालको अध्यक्षतामा सम्पन्न भएको कार्यक्रममा नीलकण्ठ नगरपालिकाका मेयर भिम प्रसाद ढुङगानाको प्रमुख आतिथ्यता रहेको थियो ।

कार्यक्रममा नगरपालिकाका उप—मेयर दिपक विश्वकर्मा, नगरपालिकाका प्रमुख प्रशाासकिय अधिकृत पुरुषोत्तम सुवेदी, डिभिजन बन कार्यालय धादिङका प्रमुख विष्णु प्रसाद आचार्य,साहित्यकार, कवि, विद्यार्थी लगायतको उपस्थिति रहेको थियो । नीलकण्ठ प्रज्ञा प्रतिष्ठानले कला,संस्कृति,भाषा लगायतको आठ विधामा विभिन्न कार्यक्रम सन्चालन गर्दै आईरहेको छ ।