धादिङ,१७ जेठ
धादिङमा आइ.पि.भी (पोलियो) खोप अभियान जारी रहेको छ । जेठ १३ गतेदेखि संचालन भएको खोप अभियानमा हालसम्म ५ हजार १३६ बालबालिकालाई खोप लगाइएको जन स्वास्थ्य कार्यालय धादिङले जनाएको छ ।पोलियो रोग उन्मुलन गर्ने उद्धेश्यका साथ २०७३ साल बैशाखदेखी २०७५ असोज मसान्तसम्म जन्मेका (साढे ५ बर्षदेखी ८ बर्ष भित्रका) बालबालिकाहरुलाई अभियान संचालन गरिएको हो ।
अभियान अन्तरगत धुनिबेशी नगरपालिकामा ६५४, थाक्रे गाउँपालिकामा ९११, गल्छीमा ५६७, गजुरीमा ५८३, बेनीघाट रोराङमा ६२३, रुवीभ्यालीमा २५४, खनियावासमा २१३, गङ्गाजमुनामा ४२८, त्रिपुरासुन्दरीमा ६९२ र नेत्रावती डबजोङ गाउँपालिकामा २०१ जना गरी ५ हजार १३६ बालबालिकालाई खोप लगाइएको जनस्वास्थ्य कार्यालय धादिङका सुचना अधिकारी तोयानाथ छत्कुलीले जानकारी दिनुभयो ।
त्यसैगरीे दोस्रो चरणको अभियान जेठ २० गते देखि २६ गतेसम्म नीलकण्ठ नगरपालिका, ज्वालामुखी गाउँपालिका र सिद्धलेक गाउँपालिकामा संचालन हुने जनस्वास्थ्य कार्यालय धादिङका कार्यालय प्रमुख विभु कुमार झाले बताउनुभयो । उहाँका अनुसार जिल्लाका १२ हजार ७ सय ९० जना बालबालिकालाई खोप लगाउने लक्ष्य रहेको छ । खोप अभियान जिल्लाका ४ सय ८० वटा विद्यालयमा खोप केन्द्र रहने गरी सञ्चालन भएको छ । नेपालबाट सन् २०२६ सम्म पोलियोरोग निर्मुल गर्ने लक्ष्यका साथ राष्ट्रव्यापी रुपमा यो अभियान सञ्चालन हुँदैछ ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
010521430, 9851120850
प्रेस काउन्सिल दर्ता न: ......
सूचना विभाग दर्ता नम्बर: .....
अध्यक्ष : | बद्रि अधिकारी |
प्रधानसम्पादक : | ..... | कार्यक्रारी सम्पादक : |
ब्यबस्थापक : | .... |
कानूनी सल्लाहकार : | ..... |
बजार ब्यबस्थापक : | ..... |