दलित सशक्तिकरणमा काम नगरेको दलित जनप्रतिनिधिहरुकै गुनासो

धादिङ,१० जेठ
धादिङका दलित जनप्रतिनिधिले आफु संलग्न स्थानिय सरकारहरुले दलित समुदायको हित र शशक्तिकरणका लागी कार्यक्रमहरु नगरेको गुनासो गरेका छन् ।जिल्ला समन्वय समितिको आयोजना तथा नीलकण्ठ नगरपालिकाकाको सहकार्य र दलित समुदायका लागी कानुनी सहायता तथा सुचना सचेतना केन्द्र धादिङको संयोजनमा भएको जातिय छुवाछुद तथा सामाजिक भेदभाव बिरुद्धको कसुर र सजाय ऐन २०६८ तथा सविधान कार्यान्वयन बिषयक दलित जनप्रतिनिधिहरु र अगुवा कार्यकर्ताहरु सहभागी अभिमुखिकरण कार्यक्रममा दलित जनप्रतिनिधिहरुले यस्तो गुनासो गरेका हुन् ।

धादिङका अधिकांस स्थानीय सरकारले दलितका क्षेत्रमा काम गर्न नसकेको गुनासो गरेका छन् ।जिल्लाको धुनिवेशी,सिद्धलेक।रुवीभ्याली, खनियाबास,त्रिपुरासुन्दरी,ज्वालामुखी,लगायतका गाउँपालिकामा दलितका लागी आर्थिक उपार्जन,शशक्तिकरण र बिकासका लागी कार्यक्रमहरु नल्याएको सोहि स्थानिय दलित जनप्रतिनिधिहरुले बताएका छन् ।नीलकण्ठ नगरपालिकाले दलित समुदायका लागी छात्रावृत्ति,पेशा तथा संस्कृतिका जगेर्नाका कार्यक्रमहरु, सचेतनाका कार्यक्रमहरु ल्याएको जनप्रतिनिधि राम्री नेपालीले बताउनु भयो । त्यसैगरी दलित छात्रावृत्तिकोष, उच्च शिक्षाका लागी सहयोग कार्यक्रम,प्रत्येक वडामा सिप प्रवद्र्धन कार्यक्रम थाक्रे गाउँपालिकामा ल्याईएको कार्यपालिका सदस्य भुवलाल बिश्वकर्माले बताउनु भयो ।

कार्यक्रमका प्रमुख अतिथि राष्ट्रिय सभा सदस्य भुवन सुनारले मान्छे चन्द्रमामा पुगेर बस्ति बसाउने तथा समुन्द्र मुनी शहर बनाउन लागेको बेला हामी भने मान्छे –मान्छे बिच छुवाछुतको कुरा गर्नुपरेकोमा दुःख लागेको बताउनु भयो ।नेपालमा दलित जनप्रतिनिधिहरु माथी जातीय रुपमा छुवाछुत र दुव्र्यवहार हुने गरेको बताउँदै राष्ट्रिय सभा सदस्य सुनारले दलित तथा पछाडी पारिएको समुदायको कार्यक्रमलाई केन्द्रमा राखेर नीति योजना र बजेट बनाउनुपर्नेमा जोड दिनुभयो ।
कार्यक्रममा नीलकण्ठ नगरपालिकाका उप–प्रमुख दिपक बिश्वकर्माले जातिय रुपमा पछाडी पारिएकाहरुको लागी स्थानिय सरकारले निति बनाउँदै कार्यक्रम र बजेट ल्याउन कोशिष गरिएको बताउनु भयो । साथै उहाँले दलित वर्गहरुको उत्थानको लागि सरकार प्रुमखहरु सँग गएर कार्यक्रमहरु माग गर्नको लागि पनि आग्रह गर्नुभयो ।