एड्भान्स एकेडेमीमा निर्वाचन प्रक्रियाबाट बालक्लब तथा जुनियर युवा रेडक्रसको नेतृत्व चयन

धादिङबेशी । नीलकण्ठ नगरपालिका वडा न.–३ ,पुच्छारबजार स्थित अतिरित्त क्रियाकलापको साथै शैक्षिक क्रियाकलापमा समेत अब्बल रहेको एड्भान्स एकेडेमीमा सामाजिक तथा साधारण विभागको आयोजनामा विद्यार्थीहरुलाई सहभागी गराइ निर्वाचन प्रणाली द्वारा विद्यालय नायक, सह–नायक, बालक्लब अध्यक्ष तथा जुनियर/युवा रेडक्रसको सभापति चयन गरिएको छ ।

विद्यालय नायकमा निर्विरोध कक्षा ९ मा अध्ययनरत छात्र रोमन श्रेष्ठ, उप–नायकमा कक्षा आठका छात्र अमन गुर्छान मगर, कक्षा आठका छात्रा खुसि राना मगर, कक्षा ६ का छात्र जोनस आले र कक्षा ५ का छात्रा सुस्मिता गुरुङ विजयी भएका छन् । त्यसैगरि बालक्लब अध्यक्षमा जेनिसा घले र जुनियर/ युवा रेडक्रसको सभापतिमा संगम लम्साल विजयी भएका छन् ।

विजयी विद्यार्थीहरुलाई विद्यालयका कम्पनी संञ्चालन समितिका अध्यक्ष अजुर्न श्रेष्ठ गोर्खाली र प्रधानाध्यापक भिम श्रेष्ठले सम्मान साथै सफल कार्यकालको शुभकामना ब्यक्त गर्नुभएको छ ।