लायन्स क्लब अफ धादिङ भैरवीद्धारा देउराली माविमा अध्ययनरत बिद्यार्थीहरुलाई झोला बितरण

धादिङबेशी । लायन्स क्लब अफ धादिङ भैरवी द्धारा नीलकण्ठ नगरपाालिका वडा न ८ मा रहेको देउराली माविमा अध्ययनरत बिद्यार्थीहरुलाई झोला बितरण गरिएको छ ।

आज बिद्यालयको प्राङ्गणमा एक औपचारिक कार्यक्रमको आयोजना गरि ५० जना बिद्यार्थीहरुलाई झोला बितरण गरिएको हो । झोला बितरण समारोहमा बिद्यालयका प्रध्यानाध्यापक खिल बहादुर धमला अध्यक्षता तथा लायन्स क्लव अफ धादिङ भैरवीका अध्यक्ष कृष्ण बद्री पौडेलको प्रमुख आतिथ्यता रहेको थियो ।

शितल छहारी नेपालको सहकार्यमा गरिएको झोला बितरण समारोहमा बोल्नुहुँदै लायन्स क्लब अफ धादिङ भैरवीका अध्यक्ष कृष्ण बद्री पौडेलले आफुहरुले आर्जन गरेको केहि प्रतिशतको रकम बाट सामाजिक काम गर्दै आएको र यस कार्यलाई निरन्तरता दिन हाल लायन्स क्लब अफ धादिङ भैरवी स्थापना भएको बताउनु भयो । उहाँले धादिङ जिल्लामा केहि नया सोचका साथ लायन्स क्लब अफ धादिङ भैरवी चार्टर गरिएको भन्दै क्लबमा आवद्ध हुन अन्य महानुुभावहरुलाई समेत आह्वान गर्नु भएको छ ।

झोला बितरण समारोहमा लायन्स क्लव अफ धादिङ भैरवीका प्रथम उपाध्यक्ष बालकृष्ण नेपाली,दिप्तिय उपाध्यक्ष बद्री अधिकारी, सचिव सुजन श्रेष्ठ, लायनहरु प्रकाश सापकोटा,सन्तोष अधिकारी,महेश रिजाल, शितल छहारी नेपालका उपाध्यक्ष बिक्रम पौडेल,सदस्य शुशिला ढुङ्गाना लगाएतको उपस्थिति रहेको थियो ।

लायन्स क्लब अफ धादिङ भैरवीले यहि १९ गते धादिङको प्रसिद्ध मन्दिर भैरवीमा पुगी चार्टर हस्तान्तरण समारोह सम्पन्न गरेको थियो ।