नेत्रावती डवजोङद्धारा महिला सशक्तीकरण तथा नेतृत्व विकास गर्न अभिमुखीकरण तालिम

धादिङबेशी । नेत्रावती डवजोङ गाउँपालिकाको महिला सशक्तीकरण तथा नेतृत्व विकास सम्बन्धि अभिमुखीकरण तालिम धादिङबेशीमा सम्पन्न भएको छ । नेत्रावती डबजोङ गाउँपालिका महिला बालबालिका तथा जेष्ठ नागरीक शाखाको आयोजनामा उपाध्यक्षसग महिला सशक्तीकरण कार्यक्रम अन्तरगत दुई दिने तालिम बिहिबार सम्पन्न भएको हो ।

तालिममा महिलासँग भएका संवैधानिक अधिकार, महिलाको क्षेत्रमा के कस्ता कानुन छ, महिला नेतृत्व भनेको के हो, कस्तो कार्यशौलि हुनुपर्ने जस्ता विषयमा सहभागी महिलाहरुलाई जानकारी गराइएको थियो । समापन समारोहमा बोल्नुहुँदै प्रमुख अतिथि राकेश धमलाले महिलाहरुको क्षमता विकासको लागि पालिकाले अझ धेरै बजेट छुट्याएर काम गर्नुपर्ने बताउनुभयो । उहाँले नेत्रावती डबजोङ गाउँपालिका र त्यहाँका महिलाहरुलाई सफल बनाउनको लागि पार्टी र व्यक्तिगत तर्फबाट सहयोग गर्ने प्रतिबद्धता जनाउनुभएको छ ।

त्यसैगरी नेत्रावती डबजोङ गाउँपालिकाका उपाध्यक्ष सिता माया चोदेनले महिलाहरुकोे क्षमता बृद्धि गर्ने र आगामी दिनमा महिलाहरुलाई आयआर्जनमा अगाडि बढाउने उद्श्यले तालिमको आयोजना गरिएकोे बताउनुभयो । महिला सशक्तिकरणको सवालमा आफु निरन्तर अगाडी बढेको र महिलाहरूको हरेक सुख दुःखमा आफु सारथी भएको उहाँले बताउनुभयो । जबसम्म महिला सक्षम हुँदैन तब सम्म नेत्रावती डबजोङ गाउँपालिका शुसासन र समृद्ध नबन्ने महिलाहरुको नेतृत्व र क्षमता विकास गर्न आवश्यक रहेको उपाध्यक्ष चोदेनले बताउनुभयो ।

तालिममा महिला अधिकारकर्मी कविता इटनीले सहजीकरण गर्नुभएको थियो । नेत्रावती डबजोङ गाउँपालिकाका उपाध्यक्ष सीता माया चोदेनको सभापतित्वमा भएको समापन समारोहमा नेपाली कांग्रेसको क्षेत्रीय सभापति राकेश धमलाको प्रमुख आतिथ्यता तथा युवा नेता राम प्रसाद अधिकारीको विषेश आतिथ्यता रहेको थियो । कार्यक्रममा कार्यपालिका सदस्य, वडा सदस्य लगायत नेत्रावती डबजोङ गाउँपालिकाका महिलाहरुकको उपस्थिति रहेको थियो ।

कार्यक्रमका केहि तस्विरहरु