स्थापना दिवसको अवसरमा नीलकण्ठ नगरपालिकाले विविध कार्यक्रम गर्दै(यस्तो छ कार्य तालिका)  

धादिङ,१८ बैशाख 

नीलकण्ठ नगरपालिकाको स्थापना दिवसको अवसरमा बैशाख २४ गते नीलकण्ठ नगरपालिका र गोरखा नगरपालिका जनप्रतिनिधि/कर्मचारी बीच फुटबल प्रतियोगिता हुने भएको छ।धादिङबेसी स्थित खुल्लामञ्चमा नीलकण्ठका जनप्रतिनिधि÷कर्मचारी र गोरखा नगरपालिका जनप्रतिनिधि÷कर्मचारी बीच फुटबल प्रतियोगिता हुने भएको हो ।

नेपाल सरकार (मन्त्रिपरिषद) को २०७१ साल बैशाख २६ गतेको निर्णयबाट नीलकण्ठ नगरपालिका स्थापना भएको दिनलाई स्थापना दिवस मनाउने निर्णय गर्दै जनप्रतिनिधि÷कर्मचारी बीच विभिन्न खेलकुद प्रतियोगिताहरु आयोजना गर्न लागेको हो।

वैशाख २४ गते नीलकण्ठ नगरपालिकाका जनप्रतिनिधि र कर्मचारी विच कभर्ड हलमा मैत्रीपूर्ण व्याडमिन्टन प्रतियोगिता हुने छ।वैशाख २५ गते नीलकण्ठ नगरपालिकाको जनप्रतिनिधिहरु÷कर्मचारीहरु र गोरखा नगरपालिकाको जनप्रतिनिधिहरु÷कर्मचारीहरु वीच मैत्रीपूर्ण फुटवल प्रतियोगिता हुनेछ  भने नीलकण्ठ नगरपालिकाका महिला जनप्रतिनिधि र महिला कर्मचारी विच मैत्रीपूर्ण म्यूजिकल चियर प्रतियोगिता हुनेछ ।