ज्यामरुङ स्वास्थ्य चौकीमा सम्पन्न शिविरमा १३३ जनाले सेवा लिए

धादिङ, १८ बैशाख ।
प्रजनन् स्वास्थ्य रुग्णता जाँच तथा व्यवस्थापन सम्बन्धी एक दिने शिविर ज्यामरुङ स्वास्थ्य चौकीमा सम्पन्न भएको छ । जनस्वास्थ्य कार्यालय धादिङको आयोजनामा शिविरमा १३३ जनाले सेवा लिएका छन् ।

शिविरमा अब्ष्टेटीक फिस्टुला, आङ खस्ने, यौन रोग परिक्षण तथा पाठेघरको मुखको क्यान्सरको स्क्रिनिङ, आङखस्ने समस्या र स्तन क्यान्सरको स्क्रिनिङ लगायतका सेवाहरु प्रदान गरिएको थियो ।

शिविरमा जनस्वास्थ्य कार्यालय धादिङ, धादिङ अस्पताल, स्वास्थ्य संस्थाका सम्पूर्ण टिम र महिला स्वयंसेविकाहरुको टोली नागरीकहरुको स्वास्थ्य जाँच गरेका थिए ।

त्यसैगरी बैशाख १० गते बेनिघाट रोराङ गाउँपालिका अन्तर्गत स्यादुल स्वास्थ्य ईकाइमा संचालन भएको शिविरमा ९० जनाले सेवा लिएका थिए।