खाल्टेमा भएको दुर्घटनाका घाइते मध्ये थप एक जनाको मृत्यु

धादिङबेशी । नीलकण्ठ नगरपालिका वडा न ५ खाल्टेमा आइतबार मिनिट्रक दुर्घनामा परी घाइते भएका बालक प्रितम मजकोटीको मृत्यु भएको छ ।

दुर्घटनामा परी घाइते भएका १२ बर्षिय प्रितम मजकोटीको के.एम.सी. अस्पताल काठमाडौंमा उपचारको क्रममा मृत्यु भएको हो । यस सँगै खाल्टेमा भएको दुर्घटनाकामा मृत्यू हुनेको संख्या तीन पुगेको छ ।

आइतबार बिहान बा ३ ख ८९४७ नम्बरको मिनिट्रक साँघुरो ओरालो घुम्ती कच्ची सडकमा ब्रेक फेल भएर दुर्घटना भएको थियो । दुर्घटनामा परि यस अघि सन्तोष रम्तेलको घटनास्थलमै र सन्तोषका बुबा राम बहादुर रम्तेलको धादिङ अस्पतालमा उपचारको क्रममा मृत्यु भएको  थियो ।

धादिङ अस्पतालमा सामान्य उपचार पछि हेलिकप्टरबाट काठमाण्डौ लगिएका छ जना घाइतेको भने हाल काठमाडौंस्थित ट्रमा सेन्टरमा उपचार जारी रहेका जिल्ला प्रहरी कार्यालय धादिङले जानकारी दिएको छ ।