नीलकण्ठ नगपालिकाको बिकासमा कोरिया अन्तराष्ट्रिय सहयोग नियोग(कोईका)ले सहयोग गर्ने

धादिङ,४ बैशाख
नीलकण्ठ नगरपालिकाको विकासमा कोरिया अन्तराष्ट्रिय सहयोग नियोग(कोईका)ले सहयोग गर्ने भएको छ ।नीलकण्ठ नगरपालिकाका मेयर भीम प्रसाद ढुंगानाको अध्यक्षतामा सोमबार कोईका टिमसँग छलफल भएको हो । कोईकाले यसअघि सर्फिस फर पिस मार्फत खानेपानी र सरसफाईको क्षेत्रमा काम गरीसकेको छ । नीलकण्ठ नगरपालिका भित्रका ठुला खानेपानी आयोजनाहरु कोईकासँगको साझेदारीमा सम्पन्न भएको छ ।

सोमबार यसअघि गरिएको आयोजनाहरुको समिक्षा तथा आगामी दिनमा गर्न सकिने सहयोगको विषयमा छलफल भएको हो । छलफल कार्यक्रममा नगर उप प्रमुख दिपक विश्वकर्मा,प्रमुख प्रशासकीय अधिकृत पुरुषोत्तम सुवेदी,नीलकण्ठ नगरपालिकाका सल्लाहाकार दिपक कोईराला,वडा अध्यक्षहरु,शाखा प्रमुखहरु,सर्फिस फर पिसका पदाधिकारी र कोईकाको टिमको सहभागिता रहेको थियो ।छलफलमा नगर प्रमुख भीम प्रसाद ढुंगानाले नगरको विकासमा सहयोग गर्नको लागि आग्रह गर्नुभएको थियो ।

नीलकण्ठ नगरपालिकामा खानेपानीको क्षेत्रमा सहयोग गरेको प्रति धन्यवाद दिदै मेयर ढुंगानाले आगामी दिनमा पनि मिलेर काम गर्नको लागि आफुहरु तयार रहेको बताउनुभयो । नीलकण्ठ नगरपालिकाको शिक्षा क्षेत्रमा काम गर्नको लागि कोईकालाई प्रस्ताव गरेको हो ।नीलकण्ठ नगरपालिकाको विकासको लागि यसअघि अमेरीकी सरकार र नीलकण्ठ नगरपालिका सरकारबीच जिटुजी र हेभरसँग पनि सम्झौता भईसकेको छ।