सिद्धलेकका अध्यक्ष परशुराम खतिवडाद्धारा बलदेवी आमा समुहको नवनिर्मित भवनको समु्द्घाटन

धादिङबेशी । नयाँ बर्ष २०८१ को पहिलो दिनकै अवसर पारेर सिद्धलेक गाउँपालिका वडा न ५ मा रहेको बलदेवी आमा समुहको भवन समुद्घाटन गरिएको छ ।

आज वडा न ५ स्थित चेक्वाङमा एक भब्य कार्यक्रमको आयोजना गरि सिद्धलेक गाउँपालिकाका अध्यक्ष परशुराम खतिवडाले उक्त नवनिर्मित भवनको समुद्घाटन गर्नु भएको हो ।

नब निर्मित भवन निर्माणका लागी सिद्धलेक गाउँपालिकाले आर्थिक सहयोग गरेको थियो । नयाँ बर्षको शुभकामना आदान प्रदान सहित भवन समुद्घाटन समारोहमा सिद्धलेक गाउँपालिकाका वडा न ५ का वडा अध्यक्ष बुधे घले, वडा सदस्य लगायत स्थानीय बुद्विजिवीहरुको उपस्थिति रहेको थियो ।

सो अवसरमा सिद्धलेक गाउँपालिकाका अध्यक्ष परशुराम खतिवडाले सिद्धलेक बासीहरुमा नया बर्षमा नयाँ उत्साह र उमंगका साथै सुख, शान्ति,समृद्धि एंव उत्तरोत्तर प्रगतिको कामना सहित स्वदेश तथा विदेशमा छरिएर रहनुहुने आमा,बुवा,दाजुभाई, दिदीबहिनी लगायत सम्पुर्ण महानुभावहरू शुभकामना प्रकट गर्नु भएको छ ।