हिमालयन हेल्थकेयरद्वारा रुबीभ्याली आधारभुत अस्पताललाई एम्बुलेन्स हस्तान्तरण

धादिङ,२८ चैत ।
धादिङको रुवीभ्याली गाउँपालिकालाई एम्बुलेन्स हस्तान्तरण गरिएको छ । बुधबार एक कार्यक्रमको आयोजना गरी हिमालयन हेल्थकेयर नेपालले रुबी भ्याली आधारभुत अस्पताललाई एम्बुलेन्स हस्तान्तरण गरेको हो ।रुवीभ्याली गाउँपालिकाको सम्पर्क कार्यालय धादिङबेशीमा हिमालयन हेल्थकेयर नेपालका प्रशासकिय अधिकृत कुलमणी बस्नेतले रुवीभ्याली गाउँपालिकाका उपाध्यक्ष फे लामा तामाङलाई एम्बुलेन्स हस्तान्तरण गर्नुभएको हो ।

कार्यक्रमलाई सम्बोधन गर्नुहुँदै रुवीभ्याली गाउँपालिकाका उपाध्यक्ष फे लामा तामाङले गाउँपालिकामा एम्बुलेन्स प्राप्त भएपछि नागरिकहरु बिरामी हुँदा हेलिकप्टर र्चाटर गर्नुपर्ने अवस्थाको अन्त्य भएको बताउनुभयो । किन्ताङ खोलामा बेलिब्रिज पनि निमार्ण भएकोले अब बिरामी हुँदा एम्बुलेन्सबाट उपचारको लागि लान सकिने बताउनुभयो ।उहाँले मादण्डहरु बनाएर गाउँपालिकाले एम्बुलेन्स संचालन गरीने बताउनुभयो । हिमालयन हेल्थकेयर नेपालका प्रशासकिय अधिकृत कुलमणी बस्नेतले रुवी भ्याली गाउँपालिकाको अनुरोधलाई सकारात्मक रुपमा लिएर एम्बुलेन्स हस्तान्तरण गरिएको बताउनुभयो ।