धादिङमा लागु औषध चरेश सहित २ जना पक्राउ

धादिङबेशी । ईलाका प्रहरी कार्यालय गजुरीले लागु औषध चरेश सहित २ जनालाई पक्राउ गरेको छ । पक्राउ पर्नेमा मोटरसाईकल चालक गजुरी गाउँपालिका वडा न ४ बस्ने ३६ को विजय प्रजसवार र बाईकको पछाडी सवार सोहि स्थान बस्ने बर्ष ३२ को सुरज तामाङ रहेका छन् ।

आज बिहान ८ बजेको समयमा गजुरी गाउँपालिका वडा न ५ माने भन्ज्याङ स्थित बाट मलेखु तर्फ जादै गरेको बा.प्र.०२–०३० प ७०२५ नं.को मो.सा. लाई शंका लागी ईलाका प्रहरी कार्यालय.गजुरीबाट खटि गएको प्रहरी टोलीले उक्त मो.सा लाई सोही स्थानबाट पिछा गर्दै जाने क्रममा गजुरी गाउँपालिका २ मलेखु बाट उनिहलाई पक्राउ गर्न सफल भएको हो ।

प्रहरीले उक्त मोटरसाईकलाई नियन्त्रणमा लिई चेकजाँच गर्दा कालो झोला भित्र ३ वटा घिउको बट्टामा ४ के.जि ५३५ ग्राम चरेश जस्तो देखिने लागु औषध र रु ३०,००० ( तीस हजार) नगद बरामद गरिएको छ ।

निजहरुलाई थप अनुसन्धान कार्य भैरहेको जिल्ला प्रहरी कार्यालय धादिङले जानकारी दिएको छ ।