धादिङमा दादुरा–रुबेलाविरुद्धको खोप अभियान संचालन,२२ हजार २३७ बालबालिकालाई खोप लगाउने लक्ष्य

धादिङबेशी । धादिङमा दादुरा–रुबेला विरुद्धको खोप अभियान सञ्चालन भएको छ । ९ महिना देखि ५ वर्ष मुनिका सम्पुर्ण बालबालिकाहरुलाइ खोप अभियान संचालन भएको हो ।

धादिङमा पहिलो चरणमा  धुनिबेसी नगरपालिका, खानियाबास, गंगाजमुना, त्रिपुरासुन्दरी, गजुरी, गल्छी, बेनिघाट रोराङ र थाक्रे गा.पा. मा खोप अभियान संचालन भएको छ ।

अभियानका क्रममा धादिङका २२ हजार २३७ जना बालबालिकालाई दादुरा–रुबेला खोप दिइने लक्ष्य रहेको स्वास्थ्य कार्यालय धादिङका खोप अधिकृत श्याम पोखरेलले बताउनुभयो ।

खोप अधिकृत पोखरेलका अनुसार धादिङमा २२१ स्वास्थ्यकर्मी र ४४२ जना स्वयमसेवक परिचान गरिएको छ भने २२१ खोप केन्द्रहरु रहने छ । त्यसैगरी धादिङमा दोस्रो चरणको अभियान फागुन २२ देखि २८ गतेसम्म निलकण्ठ नगरपालिका, ज्वालामुखी गाउँपालिका, सिद्धलेक र नेत्रावती डबजोङ गाउँपालिकमा संचालन हुने छ ।

देशभरमा ५७ लाख ४२ हजार ९९३ लाई खोप प्रदान गर्ने लक्ष्य रहेको बाल स्वास्थ्य तथा खोप शाखाले जनाएको छ ।