धादिङका सरोज अधिकारी कांग्रेस महासमिति सदस्य चयन

धादिङबेशी । सरोज अधिकारी कांग्रेस महासमिति सदस्य चयन नेपाली कांग्रेसको महासमिति सदस्यमा सरोज अधिकारी चयन हुनुभएको छ ।

नेपाली कांग्रेसको १४ महाधिवेशन प्रतिनिधि रहनुभएका अधिकारी नेपाल प्रेस युनियनका तर्फबाट महासमिति सदस्य चयन हुनुभएको हो । धादिङ जिल्ला नीलकण्ठ नगरपालिका ७ निवासी अधिकारी पत्रकारीता सँगै राजनीति र समाज सेवामा सक्रिय रहनुभएको छ ।

नेपाली कांग्रेसको १३ र १४ महाधिवेशनमा महाधिवेशन प्रतिनिधि बन्नु भएका अधिकारी नेपाल प्रेस युनियनको पूर्व केन्द्रीय कोषाध्यक्ष हुनुहुन्छ । अधिकारी महासमिति बैठकको प्रचार प्रसारलाई व्यवस्थित बनाउ केही दिन अघि गठन भएको केन्द्रीय प्रचार प्रसार समितिको पनि सदस्य हुनुहुन्छ ।

२०५८ सालमा नेपाल विध्यर्थी सँघ नीलकण्ठ उच्च माध्यिमक विध्यालयको अध्यक्ष बनेका अधिकारी लामो समदेखी पेशागत अभियानबाट पार्टी राजनीतिमा जोडिनुभएको थियो । पछिल्ला दिनमा अधिकारी भुगोलको राजनीतिमा पनि जोडिनुभएको छ ।

धादिङ जिल्लाको विकास निर्माणको काममा पनि अधिकारी लागि पर्नुभएको जानकारहरू बताउँछन् ।