नीलकण्ठमा DXN को स्वास्थ्य सचेतना तथा व्यावसायिक अवसरसम्बन्धी तालिम सम्पन्न
धादिङमा उच्च सतर्कता अपनाउन जिल्ला प्रशासन कार्यालय धादिङको आग्रह
पशुपति बहुउद्देश्यीय सहकारीको अध्यक्षमा जयराम भण्डारी चयन
पन्टुन पुल निर्माण सम्बन्धी धुनिवेशीमा बसेको स्थानीय तहका प्रमुखहरुको बैठकले गर्यो यस्ता ४ निर्णय
प्रसन्न स्वास्थ्य आमा सहकारीमा वित्तीय साक्षरता र मनोसामाजिक परामर्श तालिम सुरु
सुरक्षित वैदेशिक रोजगारका लागि सचेतना र समन्वयमा जोड
धादिङ,०३ फागुन ।
जिल्ला प्रशासन कार्यालय धादिङले असक्त, वृद्धवद्धा, अपाङ्गता भएकाहरुलाई घर घरमै पुगेर नागरिकता वितरण अभियान थालेको छ । बुधबार गजुरी गाउँपालिका–८ ठुलो बाङ्गेकी कान्छिमायाँ तामाङ, सुनिता गोले र नवराज थोक्रा तामाङ गरी तीन जनालाई घरमै पुगेर प्रशासनले नागरिकता वितरण गरेको हो ।
नागरिकता लिन योग्य तर प्रशासनसम्म पुग्न नसक्ने असक्त वृद्धवृद्धा, अपाङ्गता भएकाहरुलाई घर दैलोमै पुगेर नागरिकता दिने कामको सुरुवात गरिएको जिल्ला प्रशासन कार्यालय धादिङका प्रमुख जिल्ला अधिकारी बद्रीनाथ गैह्रले बताउनुभयो ।
नागरिकतासँगै राष्ट्रिय परिचयपत्रका काम पनि घरदैलोमै गरिदिने व्यवस्था मिलाएका ग्रैह्रेले बताउनुभयो । जिल्ला प्रशासनसम्म पुग्न नसक्ने जिल्लाका सबै असक्त, वृद्धवृद्धा, अपाङ्गता भएका र नागरिकता बनाउन योग्य नागरिकहरुलाई आगामी दिनमा पनि घरदैलोमै पुगेर नागरिकता वितरण गरिने प्रमुख जिल्ला अधिकारी गैह्रेको भनाइ छ ।
नागरिकता बनाउन सदरमुकाम सम्म लैजाने ठूलै प्रयास हुदा पनि नसकिएकोले घरमै नागरिकता वितरण गर्नुपरेको गजुरी गाउँपालिकाका अध्यक्ष गणेशलाल श्रेष्ठले बताउनुभयो । पालिका भित्र अन्य वडामा पनि नागरिकता बनाउन बाँकी रहेकाहरुको विवरण संकलनको काम गरिरहेको अध्यक्ष श्रेष्ठले बताउनुभयो ।
नागरिकता पाएका उनीहरुलाई सरकारले दिने सामाजिक सुरक्षा भत्ता लगायत अन्य सेवा तथा सुविधा लिन सहज हुने वडा नम्बर ८ का वडाअध्यक्ष देवराज ओझाले बताउनुभयो ।
जिल्ला प्रशासन कार्यालयसम्म जान नसक्ने ७४ वर्षिय कान्छिमायाँ तामाङ, ६९ बर्षीय सुनिता गोले र २४ बर्षीय नवराज थोक्रा तामाङ घरमै आएर नागरिकता बनाइदिएपछि उनी अहिले दङ्ग छिन् ।
घर छाड्न नसक्ने अति असक्त उनीहरुलाई जिल्ला प्रशासन कार्यालय धादिङका प्रमुख जिल्ला अधिकारी बद्रीनाथ गैह्रेसहितको टोली घरमै पुगेर नागरिकता वितरण गरेपछि सरकारले दिने सेवा तथा सुविधा लिने बाटो खुलेको हो । घरमै आइ नागरिकता दिएर राष्ट्रिय परिचय पत्र बनाउने प्रक्रिया अघि बढाइदिएपछि उनीहरु दंग बनेका हुन् ।



स्थानीय मुद्दादेखि राष्ट्रिय सरोकारसम्म, भरपर्दो समाचार र जनताको आवाजलाई जोड्ने निलकन्ठ एफ.एम. र अनलाइन खबर पोर्टल ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
बागमती प्रदेश, नेपाल
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... |
| कार्यक्रारी सम्पादक : | |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |
ताजा समाचार, विशेष सामग्री र रेडियो कार्यक्रम सुन्न हामीसँग जोडिनुहोस् ।