पशुपति मावि सुशासन र अनुशासनमा अगाडी छः मेयर ढुंगाना

धादिङ,२७ माघ
नीलकण्ठ नगरपालिका वडा नम्बर १२ मा रहेको पशुपती माध्यमिक विद्यालय सुशासन र अनुशासनमा अगाडी रहेको नीलकण्ठ नगरपालिकाका मेयर भीम प्रसाद ढुंगानाले बताउनु भएको छ ।पशुपति माध्यामिक विद्यालयको ३६ औँ वार्षिक उत्सव कार्यक्रम तथा अभिभावक भेलालाई सम्बोधन गर्नुहुदै मेयर ढुंगानाले शिक्षा क्षेत्रमा नगरपालिकाले ठुलो बजेट बिनियोजन गरेको बताउनुभयो । कार्यक्रमका प्रमुख अतिथी समेत रहनुभएको मेयर ढुंगानाले विद्यार्थीहरुको शैक्षिक सुधारको लागि प्रत्येक शिक्षकले आफ्नै बालबच्चा सम्झेर पठनपाठन गराउनको लागि आग्रह गर्नुभयो ।

शिक्षा क्षेत्रको विकासको लागि नीलकण्ठ नगरपालिका प्रतिबद्ध रहेको समेत उहाँले बताउनुभयो । कार्यक्रममा नेपाली कांग्रेस धादिङका पुर्व सभापति रमेश धमला तथा विषेश आतिथ्यता रहेको कार्यक्रममा नगरपालिकाका प्रमुख प्रशासकिय अधिकृत पुरुषोत्तम सुवेदी, नेपाली काँग्रेस क्षेत्र नं २ का क्षेत्रीय सभापति राकेश धमला, नेपाली कांग्रेस धादिङका पार्टी सचिव विकास श्रेष्ठ, नीलकण्ठ नगरपालिका वडा नं १२ का वडा अध्यक्ष धर्मराज भण्डारी लगायतको आतिथ्यता रहेको थियो।

त्यसैगरी कार्यक्रमलाइ सम्बोधन गर्नुहुँदै नेपाली कांग्रेस धादिङका पुर्व सभापति रमेश धमलाले अहिलेको युग भनेको प्रविधिको युग रहेकाले अङ्ग्रेजी शिक्षामा जोड दिनुपर्ने बताउनुभयो । सामुदायिक विद्यालयमा गुणस्तरीय शिक्षा हुनपर्नेमा धमलाले जोड दिनुभयो । वार्षिक उत्सवकै अवसरमा विद्यालयले विभिन्न खेलहरुमा उत्कृष्ट भएका विद्यार्थीहरुलाई मेडल र प्रमाण पत्र प्रदान गरिएको थियो ।