धादिङ महोत्सवमा आज धुर्मुस सुन्तली आउँदै

धादिङबेशी । धादिङमा जारी नवौँ धादिङ महोत्सवमा आज धुर्मुस सुन्तली आउने भएका छन् । सिताराम कट्टेल धुर्मुसले सामाजिक संन्जाल फेसबुक मार्फत आज धादिङ आउने जानकारी गराएका हुन् ।

धादिङ महोत्सवमा आज धुर्मुस सुन्तलीसंगै पृति आले र रुपक डोटेल पनि आउने भएका छन् । धादिङको गजुरी गाउँपालिका–५ गलौदी स्थित त्रिशुली नदी किनारमा संचालन भएको महोत्सवमा आज विभिन्न राष्ट्रिय तथा स्थानिय कलाकारहरुको बेजोड प्रस्तुती रहने भएको छ ।

धादिङ उद्योग वाणिज्य संघले धादिङको दिगो विकास र अर्थतन्त्रको आधार, कृषि, पर्यटन जलश्रोत तथा उद्योगको पूर्वाधार’ भन्ने नारासहित आयोजना गरिएको महोत्सवमा धादिङमा उत्पादित कृषि जन्य उत्पादन र त्रिशुलीमा जलयात्रालाई प्राथमिकता दिइएको छ ।

यस पटकको महोत्सवको मूख्य आकर्षणको रुपमा त्रिशुलीमा ¥याफटिङ रहेको छ ।