नीलकण्ठ बहुमुखी क्याम्पस परिसरमा ८७ जनाद्धारा रक्तदान

धादिङ, १६ माघ ।
शहिद दिवसको अवसरमा धादिङबेशीका ८७ जनाले रक्तदान गरेका छन् ।

नेपाल रेडक्रस सोसाइटी युवा रेडक्रस सर्कल नीलकण्ठ बहुमुखी क्याम्पसको आयोजनामा भएको कार्यक्रममा ५४ जना पुरुष र ३३ जना महिला गरी ८७ जनाले रक्तदान गरेका हुन् ।

नीलकण्ठ बहुमुखी क्याम्पस परिसरमा बिहान ७ बजेदेखि ११ बजेसम्म हुने कार्यक्रममा नेपाल रेडक्रस सोसाइटी रक्त संचार सेवा केन्द्र धादिङको प्राविधिक सहयोग रहेको थियो ।

जिल्लामा रगतको चरम अभावलाई न्युनीकरण गर्नको लागी विभिन्न मेला, पर्व, उत्सव, बार्षिक साधारण सभा लगायत दिवसका कार्यक्रमहरुमा विभिन्न संघ संस्थाहरुले रक्तदान कार्यक्रम राखि रगत संकलन गरीदैँ आएको छ ।