नवौं धादिङ महोत्सव जारी, आज पशुपती शर्मा लगाएतका ख्यातीप्राप्त कलाकारहरु आउँदै

धादिङबेशी । धादिङको गजुरी गाउँपालिका–५ गलौदी स्थित त्रिशुली नदी किनारमा नवौ धादिङ महोत्सव जारी रहेको छ । महोत्सवको आज छैटौँदिन दिन विभिन्न स्थानिय तथा राष्ट्रिय कलाकारहरुको बेजोड प्रस्तुती रहने भएको छ ।

धादिङ उद्योग वाणिज्य संघले धादिङको दिगो विकास र अर्थतन्त्रको आधार, कृषि, पर्यटन जलश्रोत तथा उद्योगको पूर्वाधार’ भन्ने नारासहित आयोजना गरिएको महोत्सवमा धादिङमा उत्पादित कृषि जन्य उत्पादन र त्रिशुलीमा जलयात्रालाई प्राथमिकता दिइएको छ ।

महोत्सवको मूख्य आकर्षणको रुपमा त्रिशुलीमा ¥याफटिङ रहेको छ । महोत्सव अवलोकन गर्न आउने दर्शकहरुको रोजाइमा ¥याफटिङ परेको धादिङ उद्योग वाणिज्य संघका अध्यक्ष विष्णुप्रसाद थपलियाले बताउनुभयो । महोत्सव अवलोकन गर्न आउनेहरुका लागि छुट्टाछुट्टै दुई वटा प्याकेज बनाएर ¥याफ्टिङ गर्ने व्यवस्था मिलाइएको छ । घाटबेसीदखि महोत्सव स्थलसम्म ¥याफ्टिङ गर्न प्रतिव्यक्ति पाँच सय र महोत्सव वरिपरि मात्र दुइसयमा ¥याफ्टिङको मज्जा लिन पाइने छ । महोत्सव आवलोकन गर्न आउनेहरुले ¥याफ्टिङको मज्जा पनि लिएर फर्कने गरेका छन् ।

महोत्सवमा आज पशुपती शर्मा,प्रतिमा अर्याल,नेत्र जी पन्त,संचिता चेपाङ राजुमान रुम्बा लगाएतका राष्ट्रिय तथा स्थानिय कलाकारहरुको प्रस्तुति रहने धादिङ उद्योग बाणिज्य संघका कार्य समिति सदस्य रोहित भण्डारीले बताउनु भयो । नवौं धादिङ महोत्सव माघ २१ गतेसम्म संचालान हुनेछ ।