बेनीघाट रोराङमा माटोको नमुना संकलन तथा उपचार सम्बन्धि अभिमुखीकरण तालिम संचालन

धादिङ, २७ मंसिर ।
बेनीघाट रोराङ गाउँपालिकमा माटो परिक्षणका लागि नमुना संकलन तथा माटो उपचार सम्बन्धि कृषक अभिमुखीकरण तालिम संचालन गरिएको छ । गाउँपालिकाको आर्थिक वर्ष २०८०/८१ का लागि कृषि विकास शाखा अन्तर्गत नमुना संकलन तथा माटो उपचार सम्बन्धि कृषक अभिमुखीकरण तालिम संचालन गरिएको हो ।

कृषकहरुलाई माटोको परिक्षणका लागि नमुना संकलन गर्ने विधिका बारेमा सैद्धान्तिक तथा व्यावहारिक ज्ञानका बारेमा गाउँपालिकाको कृषि प्राविधिकहरुले सहजीकरण गर्नुभएको कृषी शाखा प्रमुख सुदिप रेग्मीले बताउनुभयो ।

माटोमा भएको खाध्यतत्वको अवस्था पत्ता लगाउने, माटोको भौतिक बनोट बारे जानकारी लिने, माटोमा भएको अन्य समस्या पत्ता लगाउने उद्देश्यले माटो परिक्षण गरिएको रेग्मीले बताउनुभयो ।

तालिममा माटोको उर्वराशक्ति कायम राखी उत्पादनलाई बढाउन समय समयमा आफ्नो खेतीबारीको माटो परिक्षण गराई माटोको अम्लिय पना तथा उर्वराशक्तिका बारे जानकारी राखी माटो ब्यवस्थापन गर्नुपर्न लगायतका विषयमा कृषकहरुलाई सहजिकरण गरिएको थियो ।

हालसम्म वडा नं २, ४ र १० मा नमुना संकलन तथा माटो उपचार सम्बन्धि कृषक अभिमुखीकरण तालिम सम्पन्न भएको कृषी शाखा प्रमुख रेग्मीले बताउनुभयो । रेग्मीका अनुसार भोलि बिहीबार वडा नं ३ को माटोको नमुना संकलन गरिने छ ।

गाउँपालिकाका भित्रका सम्पुर्ण वडाका विभिन्न स्थानबाट गरिएको नमुना संकलन माटोको परिक्षण गरि रिपोटका आधारमा आवश्यक देखिएमा कृषकहरुलाइ कृषि चुन वितरण गर्ने गाउँपालिकाले जनाएको छ ।