थोपा सिचाईको लागि सल्यानटारको सहकारीलाई पानी तान्ने मेसिन हस्तान्तरण

धादिङ,१५ मंसिर

धादिङको त्रिपुरासुन्दरी गाउँपालिका वडा नं २ मा रहेको हामी सबैको कृषि तथा बहुउदेश्यीय संस्थालाई कृषि उपकरण हस्तान्तरण गरिएको छ।शुक्रबार गंगाजमुना गाउँपालिका वडा नं–७ निबासी कृष्ण अधिकारीको पहलमा कृषि उपकरण हस्तान्तरण गरिएको हो । अधिकारीको पहलमा कोशती ट्रेडिङ्ग कन्सर्न प्रा.लि मार्फत सौर्य शक्ति बाट १ लाख २० हजार बराबर रकमको पानी पम्प गर्ने मोटर र थोपा सिंचाईको लागी आवश्यक पर्ने च्यानल औजार सहकारी संस्थाका उपाध्यक्ष जनक श्रेष्ठललाई हस्तान्तरण गर्नुभएको हो।

कृषि उत्पादन र उत्पादकत्व वृद्वि गर्नको लागि सहकारीलाई उपकरण सहयोग गरीएको अधिकारीले नीलकण्ठ एफएमलाई जानकारी दिनुभयो । त्यसैगरी उपकरण बुझ्दै सहकारीका उपाध्यक्ष श्रेष्ठले आगामी दिन पनि सहकारीलाई निरन्तर सहयोग गर्नको लागि आग्रह गर्दै धन्यवाद व्यक्त गर्नुभयो थियो ।