सप्तकोशी बचत तथा ऋण सहकारी संस्था लि.को २४ औँ बार्षिक साधारण सभा सम्पन्न

गोरखा । सप्तकोशी बचत तथा ऋण सहकारी संस्था लिमिटेडको २४ औँ बार्षिक साधारण सभा सम्पन्न भएको छ । मंसिर २ गते देखि एकाईगत रूपमा विभिन्न ६ स्थानमा भएको साधारण सभा आज सम्पन्न भएको   हो ।

संस्थाका अध्यक्ष  मेन बहादुर अधिकारीको अध्यक्षतामा भएको साधारण सभामा नेफस्कुनका महासचिव दामोदर अधिकारीको प्रमुख आतिथ्यता तथा आरुघाट गाउँपालिकाका उपाध्यक्ष कल्पना नेपाली र जिल्ला सहकारी संघ गोर्खाका महासचिव सरोज देवकोटाको बिशेष आतिथ्यता रहेको थियो ।

कार्यक्रममा सस्थाका सचिव धुर्व कुमार दाहालले प्रगति प्रतिवेदन प्रस्तुत गर्नुभएको थियो भने कोषाध्यक्ष ज्ञान प्रसाद श्रेष्ठले आर्थिक प्रतिवेदन प्रस्तुत गर्नुभएको थियो । इकाइ भेलाको प्रतिनिधिहरूबाट पारित भएर आएको एजेण्डाहरुलाई सोमबार स्वीकृति गरी भेला सम्पन्न गरिएकोे    छ । कार्यक्रममा संस्थाका पुर्व अध्यक्षहरु तीर्थ बहादुर नेपाली, दण्डपाणी खनाल, लगायत असल व्यवसायी र जेष्ठ नागरिकहरुलाई सम्मान गरिएको थियो । साथै असल ऋणी, असल बचत कर्ता, उत्कृष्ट बचत समुह र कर्मचारीहरुलाई पुरस्कृत गरिएको छ ।

७ करोड ६९ लाख ११ हजार ४ सय शेयर पुजी रहेको संस्थाको कुल पुजी ६४ करोड ११ लाख ३१ हजार ३३६ रहेको छ भने १ करोड ५३ लाख ५९८ रुपैँया खुद नाफा रहेको छ । त्यसैगरी हालसम्म संस्थामा ६ हजार ९१ शेयर सदस्यहरु रहेका छन् ।