स्कुटर चोरी गर्ने गंगाजमुना गाउँपालिकाका अमृत कार्की पक्राउ

धादिङ,११ मंसिर
मोटरसाईकल चोरी गर्ने धादिङको गंगाजमुना गाउँपालिका वडा नं–६ को अमृत वहादुर कार्कीलाई प्रहरीले पक्राउ गरेको छ । बा.प्र.०२–०३८प ७८३३ नम्वरको स्कुटर तथा चाँदीको जस्तो देखिने धातुको सिक्री सहित कार्कीलाइ पक्राउ गरिएको जिल्ला प्रहरी कार्यालय धादिङले जनाएको छ ।
उक्त स्कुटर गंगाजमुना गाउँपालिका वडा नं–६ वस्ने रोशन के.सी.ले वडा नं–५ स्थित मझुवाटोलमा पार्किङ गरी राखेको र स्कुटरको डिक्कीमा राखेको चाँदीको सिक्री समेत चोरी गरी फरार रहेको भन्ने सुचनाको आधारमा प्रहरीले पक्राउ गरेको जनाएको छ । कार्कीलाई धादिङ जिल्ला अदालतबाट ५ दिनकोे म्यादथप गरी अनुसन्धान भईरहेको जिल्ला प्रहरी कार्यालय धादिङले जानकारी दिएको छ ।