त्रिपुरासुन्दरी गाउँपालिका –७ खहरेमा ६२ जनाद्धारा रक्तदान

धादिङ,९ मंसिर
त्रिपुरासुन्दरी गाउँपालिका वडा नम्बर ७ खहरेमा ६२ जनाले रक्तदान गरेका छन्। नेत्रावती बचत तथा ऋण सहकारी संस्था लिमिटेडको १६ औँ वार्षिक साधारण सभाको अवसरमा भएको कार्यक्रममा २९ जना महिला र ३३ जना पुरुष गरि जम्मा ६२ जनाले रक्तदान गरेका हुन् ।
नेत्रावती बचत तथा ऋण सहकारी संस्था लिमिटेडको आयोजनामा खहरे स्थित अचने माध्यमिक विद्यालयको प्राङ्गणमा भएको रक्तदान कार्यक्रममा त्रिपुरासुन्दरी गाउँपालिका वडा नंम्बर ५, र ७ को मुख्य सहयोगमा तथा अचने माध्यमिक विद्यालय, नेत्रावती सामुदायिक बहुमुखी क्याम्पस र लायन्स क्लब अफ काठमाण्डौ ब्लड सर्कलको सहयोग रहेको थियो ।

बिहान १० बजे देखि दिउँसो ४ बजे सम्म भएको कार्यक्रममा नेपाल रेडक्रस सोसाईटी रक्त सञ्चार सेवा केन्द्र धादिङको प्राविधि सहयोग रहेको रेडक्रस धादिङका कोषाध्यक्ष ननारायण कुमार श्रेष्ठले जानकारी दिनुभयो । जिल्लामा रगतको अभावलाई न्युनीकरण गर्नको लागी मेला, पर्व, उत्सव, बार्षिक साधारण सभा लगायतका कार्यक्रमहरुमा रक्तदान कार्यक्रम राखि रगत संकलन गरीदैँ आएको छ ।