चिल्ड्रेपार्क आवासिय माविका प्रिन्सिपल षष्टि कुमार श्रेष्ठ सहित ८ जना करदाता सम्मानित

धादिङ,७ मंसिर
चिल्ड्रेपार्क आवासिय माध्यमिक विद्यालयका प्रिन्सिपल षष्टि कुमार श्रेष्ठ सहित ८ जना करदाता पुरस्कृत हुनुभएको छ । १२ औं कर दिवस तथा कर सप्ताहको अवसरमा करदाता सेवा कार्यालय गल्छीले करदाता सम्मान र कर्मचारी पुरस्कृत गरेको हो ।गल्छीमा सम्पन्न कार्यक्रममा उद्योग,व्यापार,बैक तथा वितिय संस्था र शैक्षिक संस्था क्षेत्रका एक–एक गरी आर्थिक वर्ष २०७९/०८०मा सबैभन्दा बढी आयकर दाखिला गर्ने ८ जना करदातालाई सम्मान गरिएको हो । शैक्षिक संस्था क्षेत्रमा धादिङबेसीमा रहेको चिल्ड्रेपार्क आवासिय माध्यमिक विद्यालयले पुरस्कार प्राप्त गर्न सफल भएको हो ।

सम्मानित हुनेमा धुनिवेशी नगरपालिकाका नगर प्रमुख तथा बि.के इन्टरप्राइजेज धुनिवेशी ६ धार्के धादिङका प्रोपाइटर बालकृष्ण आचार्य हाम्रो अक्सिजन प्रा.लि.नुवाकोट, आर.आर फर्म प्रा.लि सिद्धलेक धादिङ, स्पीड अट्रो इन्टरप्राइजेज नुवाकोट, दुई पिपल महिला साना किसान कृषि सहकारी संूस्था लि.नुवाकोट,भैरवी बचत तथा ऋण सहकारी संस्था लि. धादिङ,अर्किड एकेडेमी नुवाकोट र चिल्ड्रेपार्क पार्क बोडिङ स्कुल धादिङलाई १२औं कर दिवस–२०८० को अवसरमा उत्कृष्ट करदाताको रुपमा सम्मानित गरिएको हो।