नीलकण्ठ–४ मा निर्माण सम्पन्न खानेपानी आयोजनाको मेयर ढुंगानाद्वारा उद्घाटन

धादिङ,७ मंसिर
धादिङको नीलकण्ठ नगरपालिका वडा नम्बर ४ मा निर्माण सम्पन्न भएको ब्यापारी बगैँचा पौवा खानेपानी आयोजना उपभोक्ता समितिलाई हस्तान्तरण गरिएकोछ । नीलकण्ठ नगरपालिका र सर्भिस फर पिसको साझेदारीमा निर्माण सम्पन्न भएको खानेपानीको नगर प्रमुख भीम प्रसाद ढुंगानाले ब्यापारी बगैँचा पौवा खानेपानी समितिलाई हस्तान्तरण गर्नुभएको हो ।

नीलकण्ठ नगरपालिकाको ५३ लाख, सर्भिस फर पिसको ५० लाख र ५ लाख जन श्रमदान गरी जम्म एक करोड ७ लाखको लागतमा आयोजनाको निमार्ण सम्पन्न भएको हो । उक्त खानेपानि आयोजनाबाट ७८ घरपरिवार लाभान्वित भएका छन् ।
तिर्खा मुक्क्त नगरपालिका बनाउने लक्ष्यको साथ नगरपालिकाले ठुलो खानेपानी आयोजनाको कामलाई प्राथमिकता दिएको नगर प्रमुख भीम प्रसाद ढुंगानाले बताउनु भएको छ ।

नगरपालिका भित्रका कृषि, खानेपानी, शिक्षा, स्वास्थ्य लगायतको क्षेत्रमा दातृ निकायसँगको साझेदारीमा नगरमा काम भईरहेको बताउनु भएको छ । आफु पदमा रहेपनी वा नरहेपनी देश र जनताको लागि सेवा गरीरहने प्रतिबद्धता व्यक्त गर्नुभएको छ ।स्थानिय नागरिकहरु घर घरमा खानेपालिको धारो आए पछि निकै खुसी भएका छन् । एक घण्टा लाएर पानी बोक्न जाने समस्य हल भएको भन्दै अब धेरै कुरामा सहज हुने बताएका छन् ।

सर्भिस फर पिसका उपाध्यक्ष विनोद खनालको अध्यक्षतामा भएको कार्यक्रममा नरपालिका संघका अध्यक्ष तथा नगर प्रमुख भीम प्रसाद ढुंगानाको प्रमुख आतिथ्यतामा रहेको थियो । कार्यक्रममा संस्थाका महासचिव जिन्तु खनाल, नीलकण्ठ नगरपालिकाका सल्लाहकार दिपक कोईराला, वडा नं ४ का वडा अध्यक्ष हरि बहादुर श्रेष्ठ, वडा नं ८ का अध्यक्ष प्रकाश कुमार श्रेष्ठ लगायतको आतिथ्यता रहेको थियो ।