गजुरी गाउँपालिकाद्वारा किसानलाई नि:शुल्क च्याउको बिउ वितरण

धादिङ,६ मंसिर
गजुरी गाउँपालिकाले किसानहरुलाई निःशुल्क च्याउको बिउ वितरण गरेको छ । बुधबार एक कार्यक्रमका बिच गाउँपालिकाका अध्यक्ष गणेशलाल श्रेष्ठले च्याउको बिउ वितरण गर्नुभएको हो ।गाउँपालिकाले चालु आर्थिक वर्ष २०८०/८१ को आन्तरिक श्रोत तर्फको वार्षिक स्वीकृत कार्यक्रम अनुसार २५ जना किसानलाई बिउ वितरण गरिएको कृषि शाखाका प्राविधिक सहायक अशोक श्रेष्ठले जानकारी दिनुभयो ।
गाउँपालिकाले कात्तिक १७ गते जारी गरेको सुचना अनुसार गाउँपालिकामा पेश भएको निवेदनको आधारमा इच्छुक कृषक, कृषक समुह, कृषि फर्म र सहकारीहरुलाइ च्याउको बिउ वितरण गरिएको श्रेष्ठले बताउनुभयो ।