गंगाजमुना गाउँपालिकामा मंसिर ६ र ७ गते सार्वजनिक विदा

धादिङ,०५ मंसिर ।
गंगाजमुना गाउँपालिकाले मंसिर ६ र ७ गते सार्वजनिक बिदा दिएको छ । गङ्गाजमुना माई स्थान तथा प्रसिद्ध झरनामा लाग्ने हरिबोधिनी एकादशी व्रत मेला, २०८० को अवसरमा गाउँपालिकाले सार्वजनिक बिदा दिएको उपाध्यक्ष तथा मेला आयोजक समितिका संयोजक रामेश्वर सिंखडाले जानकारी दिनुभयो ।

मंगलबार गाउँपालिकाले सुचना जारी गर्दै गाउँपालिका र सो अन्तर्गत रहेका शिक्षण संस्था र आकस्मिक सेवा (स्वास्थ्य संस्था) बाहेक सम्पूर्ण वडा कार्यालयहरूलाई गाउँपालिका स्तरीय सार्वजनिक बिदा दिने निर्णय भएको जनाएको छ ।

गंगाजमुना गाउँपालिकाको नामाकरण भएको गंगाजमुना माई स्थान तथा प्रसिद्ध झरनामा आदिम कालदेखि मेला लाग्दै आएको छ । हरेक वर्ष कार्तिक शुक्ल दशमीको दिन लाग्ने उक्त मेलामा हजारौ भकतजनहरु रातभर जाग्रम बसी नाचगान गरी भोलीपल्ट नुहाएर फर्कने गर्दछन् ।

मेला कै अवसरमा ६ गते हुने बृहत सांकृतिक कार्यक्रम मुख्यमन्त्री जम्कट्टेलले उद्घघाटन गर्ने कार्यक्रम तय भएको जनाईएको छ ।