गंगाजमुना माईको मेलाको तयारी अन्तिम चरणमा,मेला अवलोकनको लागि मुख्यमन्त्री जम्कट्टेल आउने

धादिङ,५ मंसिर
उत्तरी धादिङको गंगाजमुना गाउपालिका वडा न ५ फुलखर्कको ढाडखर्कमा अवस्थित गंगा जमुना माईको मेलाको तयारी अन्तिम चरणमा पुगेको छ । यहि मंसिर ६ र ७ गते दुई दिन सम्म चल्ने गंगाजमुनामाई मेलाको तयारी अन्तिम चरणमा पुगेको मेला आयोजक समितिका संयोजक तथा गाउपालिकाका उपाध्यक्ष रामेश्वर सिम्खडाले जानकारी दिनुभयो ।

उहाँले मेलामा बागमती प्रदेशका मुख्यमन्त्री शालिकराम जम्कट्टेल सहभागी हुने समेत बताउनु भएको छ ।हरेक वर्ष कार्तिक शुक्ल दशमीको दिन लाग्ने उक्त मेलामा हजारौ भकतजनहरु रातभर जाग्रम बसी नाचगान गरी भोलीपल्ट नुहाएर फर्कने गर्दछन । मेला कै अवसरमा ६ गते हुने बृहत सांकृतिक कार्यक्रम मुख्यमन्त्री जम्कट्टेलले उद्घाटन गर्ने कार्यक्रम तय भएको जनाईएको छ । कार्यक्रमको औपचारिक समापन मंसिर ७ गते हुनेछ ।