थोपल खोला सरसफाइमा उत्रिए मेयर भीम प्रसाद ढुंगाना

धादिङ,३ मंसिर
नीलकण्ठ नगरपालिकामा रहेको थोपल खोला सरसफाईका लागि नगर प्रमुख भीम प्रसाद ढुंगाना आफै निस्कनुभएको छ । नगरपालिका संघका केन्द्रिय अध्यक्ष समेत रहनु भएका ढुंगाना आईतबार सार्वजनिक विदाको दिन पारेर खोला सरसफाईमा सहभागि हुनुभएको हो । मेयर ढुंगानाको नेतृत्वमा गणेश मन्दिरदेखी पुछार बजार पुल सम्मको खोला सरसफाई गरीएको छ । नीलकण्ठ नगरपालिकाले अभियाननै बनाएर बजार क्षेत्र वरपर रहेको थोपल खोला र अरुण खोला सरसफाई गर्दै आईरहेको छ ।

धादिङबेसी बजारलाई सफा, सुन्दर र रमणीय सहर बनाउनका लागि खोला सरसफाई गरीएको मेयर भीम प्रसाद ढुंगानाले बताउनुभएको छ। बजार क्षेत्रलाई स्वच्छ र हराभरा बनाउने अभियान अन्तरगत नीलकण्ठ नगरपालिकाले विभिन्न कार्यक्रम गरीरहेको भन्दै नगरको अभियानलाई साथ दिनको लागि नगरबासीहरुलाई आग्रह गर्नुभएको छ ।धादिङबेसी बजारलाई जिल्लाभित्रकै सुन्दर, सफा र हराभरा बनाउने उद्देश्यअनुरूप सरसफाइ अभियानको थालनी गरीएको ढुंगानाले बताउनुभयो ।मेयर ढुंगानाले भन्नुभयो, ‘आफ्नो घरआँगन, खोला र बजार क्षेत्र सधैँ सफा राख्नुपर्छ भनेर बजारवासीहरूलाई हौसला प्रदान गर्नका लागि आफैँ खोला सरसफाईमा निस्किएको हुँ। सबैले आ आफ्नो भुमिका निभाउने हो भने फोहोर हुननै पाउदैन,नगरपालिकाले फोहोर उठाउनको लागि सवारी साधन पठाउदा पनि साँझ परेपछि खोलामा फोहोर फाल्नेहरुको निगरानी गरेर कारबाही गर्न नगरपालिका तयार रहेको छ।’

धादिङबेसी बजारलाई हराभरा र स्वच्छ बनाउको लागि नगरपालिकाले यसअघि नै प्रत्येक घर–अगाडी बत्ति सहितको बिरुवा र गमलासमेत प्रदान गरिसकेको छ। सहरको शुन्दरता खोलाले झल्काउने भन्दै उहाँले खोलामा फोहोर नफाल्नको लागि समेत नगरबासीहरुलाई आग्रह गर्नुभएको छ। नीलकण्ठ नगरपालिकाले प्रत्येक हप्ताको शनिवार वा सार्वजनिक विदाको दिन खोला र बजार क्षेत्र सरसफाई गर्दै आईरहेको छ । मेयर भीम प्रसाद ढुंगानाको नेतृत्वमा नेपाल प्रहरी,शसस्त्र प्रहरी,नेपाल आर्मी,नगर प्रहरी र स्थानिय बासिन्दाको सहभागितामा खोला सरसफाई गरीएको हो ।