श्री शिखरिणी कृषि तथा पर्यटन सहकारी संस्था लिमिटेडको अध्यक्षमा कल्पना अधिकारी निर्वाचित

धादिङ,२३ कार्तिक ।
श्री शिखरिणी कृषि तथा पर्यटन सहकारी संस्था लिमिटेडको १३ औँ वार्षिक साधारण सभा बिहिबार धादिङबेसीमा सम्पन्न भएको छ ।संस्थाका अध्यक्ष कल्पना अधिकारीको अध्यक्षतामा सम्पन्न भएको साधारण सभामा जिल्ला बचत संघका अध्यक्ष नवराज शर्माको प्रमुख आतिथ्यता रहेको थियो । राष्ट्रिय भुमी आयोगका जिल्ला सदस्य कविता ईटनीको विशेष आतिथ्यमा सम्पन्न भएको साधारण सभामा सरोकारवाला निकायका प्रतिनिधिहरुको सहभागिता रहेको थियो ।

साधारण सभाले पुनः कल्पना अधिकारीको अध्यक्षतामा ११ सदस्यीय नयाँ कार्यसमिति चयन गरिएको छ । जसको बरिष्ठ उपाध्यक्षमा निर्मला गुरुङ,उपाध्यक्षमा मिना श्रेष्ठ,महासचिवमा अनिता अधिकारी,कोषाध्यक्ष रिना श्रेष्ठ निर्वाचित हुनुभएको छ ।सदस्यहरुमा बिमला अर्याल,जमुना भण्डारी,रिनु तामाङ,टिकादेवी थापा र अनिस श्रेष्ठ निर्वाचित हुनुभएको छ ।वि.स.२०६६ साल चैत्र २२ गते २६ जना सदस्यबाट सुरुवात गरेको संस्थाको कुल सदस्य हाल ७ सय १० जना रहेको संस्थाका अध्यक्ष कल्पना अधिकारीले जानकारी दिनुभयो । कृषि तथा पर्यटनको विकास गर्ने उदेश्यले स्थापना गरीएको संस्थाको कुल पुँजी २ करोड ५७ लाख ८७ हजार ६ सय ७८ रहेको छ ।

कार्यक्रममा संस्थाका अध्यक्ष्य कल्पना अधिकारीले छलफलको प्रस्तावहरु पेश गर्नुभएको थियो । साथै कार्यक्रममा महासचिव अनिता अधिकारीले प्रगती प्रतिवेदन प्रस्तुत गर्नुभएको थियो भने कोषाध्यक्ष रिना श्रेष्ठले आर्थिक बर्ष २०७९/८० को आर्थिक आय व्यय प्रस्तुत गर्नुभएको थियो ।संचालक समितिको प्रस्ताव उपर छलफल गरि साधारण सभाले सर्वसम्मत पारित गरेको छ । साधारण सभाले तारा कार्कीको संयोजकत्वमा ३ सदस्यीय लेखा समिति गठन गरीएको छ । जसको सदस्यहरुमा विमला ढकाल र सुनिता श्रेष्ठ रहनुभएको छ ।  साधारण सभाले दुर्गा अधिकारीको संयोजकत्वमा ३ सदस्यीय सल्लाहकार समिति गठन गरीएको छ । जसको सदस्यहरुमा शुसिला घिमिरे र दिपा लम्साल चयन हुनुभएको छ ।