धादिङमा बेलुकी ९ बजेसम्ममात्रै देउसी भैलो खेल्न पाइने

धादिङ,२३ कार्तिक ।
धादिङमा बेलुकी ९ बजेसम्म मात्रै देउसी, भैलो खेल्न पाइने भएको छ । जिल्ला प्रशासन कार्यालयले बुधबार सूचना जारी गर्दै आफूले खुसियाली मनाउँदा अन्य व्यक्ति, टोल, छिमेक, समुदाय र सार्वजनिक जीवनमा असर नपर्ने गरी मनाउन पनि अपिल गरेको छ । धादिङमा बेलुकी ९ बजेसम्ममात्रै खेल्न पाइने छ ।

त्यस्ता कार्यक्रममा असभ्य, अमर्यादित, उछृङ्खल तथा सामाजिक सद्भाव खलबल्याउने किसिमका प्रस्तुती गर्न पाइनेछैन ।मंदिरा तथा मदिराजन्य पदार्थको बिक्रि वितरण बेलुकी ९ बजेसम्म मात्र प्रचलित कानून अनुसार अनुमति प्राप्त व्यवसायीले मात्रै गर्नुपर्ने समेत उल्लेख गरेको छ ।

प्रमुख जिल्ला अधिकारी बद्रीनाथ गैह्रेद्वारा जारी सूचनामा शान्ति सुरक्षा कायम गर्दै संस्कृति जगेर्ना गर्न पनि अनुरोध गरिएको छ । पटका आतिसबाजीजस्ता विस्फोटक तथा अति प्रज्वलनशील पदार्थको आयात, बिक्री वितरण, ओसारपसार गरे कडा कारबाही गरिने सूचनामा उल्लेख छ । जुवा–तासजस्ता कानुनद्वारा निषेधित कार्य नगर्न÷नगराउन अपिल गर्दै प्रहरीले सुरक्षा व्यवस्था कडाइ पारेको पनि जनाइएको छ ।