भाईटीकाको साइत बिहान १० बजेर ५१ मिनेटमा

धादिङबेशी । यो वर्षको भाइटीकाको शुभसाइत बिहान १० बजेर ५१ मिनेटमा रहेको छ ।

नेपाल पञ्चाङ्ग निर्णायक विकास समितिले आज एक विज्ञप्ति जारी गर्दै भाईटिकाको साईत सार्वजनिक गरेको हो ।

यो वर्ष भाइटीका कार्तिक २९ गते बुधवार परेको छ । ‘भाइटीकाको शुभ साइत कार्तिक २९ गते बुधवार बिहान १०ः५१ बजे रहेको जानकारी गराइन्छ,’ समितिका कार्यकारी निर्देशक सूर्यप्रसाद ढुंगेलले जारी गरेको विज्ञप्तिमा भनिएको छ ।

नेपालीहरूको दोस्रो ठूलो चाड तिहार कात्तिक २५ गतेदेखि शुरू हुँदैछ ।