भुकम्प प्रभावितलाई सहयोग गर्न नीलकण्ठ नगरपालिका मेयर ढुंगाना जाजरकोटमा

धादिङ,१९ कार्तिक
नगरपालिका संघका केन्द्रिय अध्यक्ष तथा नीलकण्ठ नगरपालिकाका मेयर भीम प्रसाद ढुंगाना भुकम्प प्रभावितहरुलाई सहयोग गर्न जाजरकोट जानुभएको छ । नीलकण्ठ नगरपालिका र नगरबासीको तर्फबाट नगद रु ५ लाख सहयोग गर्नको लागि ढुंगाना सहितका नेताहरु जाजरकोट जानुभएको हो ।

नगर प्रमुख भीम प्रसाद ढुंगाना सहित नेपाली काँग्रेसका पुर्व सभापति तथा समाजसेवी रमेश धमला,नगरपालिका संघका सल्लाहकार तथा बरिष्ठ पत्रकार सरोज अधिकारी र नीलकण्ठ नगरपालिकाका सल्लाहकार तथा युवा नेता दिपक कोईराला जाजरकोट जानुभएको हो । दुखमा परेका जाजरकोटका नागरिकहरुलाई केहि सहयोग गर्न आफुहरु जाजरकोट गएको नगर प्रमुख भीम प्रसाद ढुंगानाले बताउनु भएको छ ।

नगरबासी र नगरपालिकाको तर्फबाट पाँच लाख सहयोग गर्नको लागि आफुहरु जाजरकोट गएको बताउनुभयो । आजै जाजरकोट पुगेर जाजरकोटका प्रमुख जिल्ला अधिकारीलाई भेटर सहयोग गरिनेछ । शुक्रबार राति जाजरकोट केन्द्रबिन्दु बनाएर गएको भूकम्पमा परी १५७ जनाको मृत्यु भएको छने १६५ जना घाईते भएका छन् ।