अबैध रुपमा सन्चालित क्यान्टिन हटाउन जिल्ला प्रशासन कार्यालय धादिङको निर्देशन

धादिङ,१५ कार्तिक
धादिङ जिल्लाको कार्यालय वरपर सन्चालनमा रहेको अबैध चमेना गृह तत्काल बन्द गर्न जिल्ला प्रशासन कार्यालय धादिङले निर्देशन दिएको छ।जिल्लास्थित विभिन्न कार्यालयका जग्गा तथा भवन उपयोग गरी अबैध रुपमा सन्चालमा रहेको क्यान्टिन तत्काल बन्द गर्न निर्देशन गरीएको हो।
कानुनी प्रक्रिया पुरा नगरी चर्को मुल्यमा गुणस्तरहीन बस्तुहरु विक्रि वितरण भएको र त्यस्ता क्यान्टिनहरुमा बिचौलीयाहरुको अखडा भएको भन्दै बन्द गर्न वा प्रक्रिया पुर्याएर सन्चालन गर्न निर्देशन गरीएको हो ।

प्रमुख जिल्ला अधिकारी बद्रीनाथ गैह्रेले एक सुचना प्रकाशित गरी अबैध रुपमा सन्चालनमा रहेको क्यान्टिन बन्द गरी प्रशासनलाई जानकारी गराउन वा प्रक्रिया पुरा गरेर सन्चालन गर्नको लागि निर्देशन दिनुभएको छ ।