झार्लाङमा भएको फुटबल प्रतियोगिता सकियो, साविकको वडा न ७ को टिमले जित्यो उपाधि

धादिङबेशी । झार्लाङमा भएको फुटबल प्रतियोगिता सम्पन्न भएको छ । सिङ्ला म्हाने युबा क्लबको आयोजनामा झार्लाङमा कात्तिक ५ गते देखि सुरु भएको भएको फुटबल प्रतियोगिता मंगलबार सम्पन्न भएको हो ।

२४ वटा टिम सहभागी भएको प्रतियोगितामा साविकको वडा न ७ को टिम प्रथम भएका छन् । दिप्तीयमा साविकको वडा न ४ र साविकको वडा न १ तृतिय हुन सफल भएको छ । सिङ्ला म्हाने युबा क्लबका अध्यक्ष राजेन्द्र तामाङको अध्यक्षतामा भएको कार्यक्रममा खनियाबास गाउँपालिकाका उपाध्यक्ष सेक्केमान तामाङको प्रमुख आतिथ्यता रहेको थियो ।

प्रतियोगितामा बिजेता टिमहरुलाई प्रमुख अतिथि तथा खनियाबास गाउँपालिकाका उपाध्यक्ष सेक्केमान तामाङले पुरस्कार प्रदान गर्नु भएको थियो । उहाँले कार्यक्रमलाई सम्बोधन गर्नुहुँदै खेल क्षेत्रको उत्थान र खेलाडीहरुको हक हितका लागी आफु सदैव प्रतिबद्ध रहेको कुरा बताउनु भएको छ ।