बडा दशैंमा सुनसान देखिदै धादिङबेशी सदरमुकाम

धादिङबेशी । बडादसैँमा धादिङबेशी सदरमुकामका सडक प्रायः सुनसान देखिएका छन् ।

सडकमा सवारी साधान पातलिएका छन् । स्थानीयहरु घरघर दसैँ मनाउन व्यस्त रहेका र धादिङबेशीमा बाहिरबाट पेसा–व्यवसाय गर्न आएकाहरु आफ्ना घर गाउँमा गएपछि सडकमा सवारी साधनको उपस्थिति कम देखिएको हो ।  फुलपाती देखि नै मानिसहरु धादिङबेशीबाट गाउँ जान थालेका थिए ।

हिजो नवमीमा दिन अत्यावश्यक बाहेक सवारी साधन नचलाइने परम्पराका कारण पनि धादिङबेशीका सडक खाली भएको हो । सडकमा निजी क्षेत्रका एकाध सवारी साधन मात्रै गुडेका देखिन्छन् भने पैदलयात्री पनि न्यून देखिएका छन् ।

ट्राफिक प्रहरी कार्यालयले राजमार्गमा पनि सवारी चाप अति कम रहेको र ट्राफिक व्यवस्थापनको स्थिति सामान्य रहेको जानकारी दिएको छ ।