नागरिकहरुमा वन प्रतिको आकर्षण घट्दै गयो : सह -सचिव ढकाल

धादिङ,२ कात्तिक
धादिङका वन क्षेत्रमा देखिएको समस्याहरु समाधान गर्न सबै सरोकारवालाहरु एक भएर लाग्ने प्रतिबद्धता जनाएका छन् । बिहीबार एक कार्यक्रमका बिच १३ वटौ स्थानिय तह, बिभिन्न गैर सरकारी संस्था, स्वयंसेवी व्यक्ति-समुहहरुले स्वस्फुर्त धादिङको वन क्षेत्रमा देखिएको समस्याहरु समाधान गर्न एक जुट भएर लाग्नु पर्ने बताएका थिए ।कार्यक्रममा डिभिजन वन कार्यालय धादिङको परिचय, धादिङको भु–उपयोग अवस्था, सामुदायमा आधारित वन व्यवस्थापनको अवस्था, सामुदायिक वनको क्षेत्रफलको वितरण लगायतका विषयमा छलफल गरिएको थियो ।

नागरिकहरुको वन प्रतिको आकर्षण घट्दै गएको हुनाले वन कार्यालयले आगमी दिनमा नयाँ तरिकाले काम गर्नु पर्ने वन तथा वातावरण मन्त्रालयका सह सचिव हमेश्वर ढकालले बताउनु भयो ।डिभिजन वन कार्यलय धादिङका प्रमुख विष्णु प्रसाद आर्चायले कार्यलयको प्रतिवेदन प्रस्तुत गर्दै धादिङका ६० प्रतिशत वन अबैधानिक रुपमा सञ्चालन भएको जानकारी दिनुभयो । उहाँले आगामी २ वर्ष भित्रमा सबै वन बैधानिकहरुमा ल्याउने बताउनुभएको छ ।

धादिङको १३ वटा स्थानिय तह मध्ये निलकण्ठ नगरपालिकामा सबै भन्दा धेरै र रुविभ्याली गाउपालिकामा सबै थोरै सामुदायिक वन रहेको कार्यालयका प्रमुख आर्चायले बताउनुभयो ।सर्वसाधारणलाई दैनिक आवश्यक पर्ने वन पैदावर परिपूर्तिको लागि आवश्यक ब्यवस्था मिलाउने, गरिबी निवारणको लागि राष्ट्रिय उत्पादनमा जोड दिने निजी वन तथा गैह्र काष्ठ वन पैदावार ब्यवस्थापन र उत्पादनमा जोड दिने, वन पैदावारमा आधारित आयमूलक कार्यक्रम वारे प्रचार–प्रसार गर्ने लक्ष्य रहेको कार्यालयले जनाएको छ ।