कार्यालय परिसर र साँधभन्ज्याङ बजार क्षेत्रको सरसफाई

धादिङ,२ कात्तिक

ज्वालामुखी गाउँपालिकाले गाउँपालिका कार्यालय परिसर र साधभन्ज्याङ बजार क्षेत्रमा सरसफाइ गरेको छ । गाउँपालिकाले चाड पर्वलाई मध्येनजर गरेर बिहीबार सरसफाई कार्यक्रम गरीएको हो । गाउँपालिका अध्यक्ष यमनाथ दनैको नेतृत्वमा सरसफाई गरीएको हो ।

गाउँपालिकालाई सफा र स्वच्छ राख्न, चाडपर्वमा गाउँपालिकामा भित्रिने स्थानिय नागरीकहरुको स्वास्थ्य र सडकमा सहजताको लागि सरसफाइ कार्यक्रम गरिएको गाउँपालिका सुचना अधिकारी अनिता छत्कुलीले बताउनुभयो ।

सरसफाई कार्यक्रममा गाउँपालिका अध्यक्ष यमनाथ दनै,उपाध्यक्ष धर्म बहादुर अर्याल, कर्मचारीहरु, शाखा कार्यालयका कर्मचारी लगायत स्थानिय नागरीकहरुको उपस्थिति रहेको थियो ।