चिल्ड्रेनपार्क आवासीय माध्यमिक विद्यालयको आयोजनामा स्वागत, बधाई तथा शुभकामना आदान प्रदान कार्यक्रम सम्पन्न

धादिङ,१ कात्तिक
चिल्ड्रेनपार्क आवासीय माध्यमिक विद्यालयको आयोजनामा स्वागत, बधाई तथा शुभकामना आदान प्रदान कार्यक्रम सम्पन्न भएको छ । नेपालीहरुको महानपर्व शुभ बिजय दशमी,दिपावली र छठ पर्वको अवसर पारेर विद्यालयमा बधाई,स्वागत र शुभकामना आदान प्रदान कार्यक्रम सम्पन्न भएको हो ।

चिल्ड्रेनपार्क आवासिय माध्यमिक विद्यालयकाका प्रिन्सिपल षष्टि कुमार श्रेष्ठको अध्यक्षता र नीलकण्ठ नगरपालिका वडा नम्बर ४ का वडा अध्यक्ष हरि बहादुर श्रेष्ठको प्रमुख आतिथ्यतामा सम्पन्न भएको कार्यक्रममा व्यवस्थापन समितिका सल्लाहकार कृष्ण कुमार श्रेष्ठ र सिपि कलेल व्यावस्थापन समितिका अध्यक्ष शान्त विक्रम बानियाँको विशेष आतिथ्यता रहेको थियो । कार्यक्रममा विद्यालय संयोजक शशी अर्याल,मावि ईन्चार्ज दिपक रेग्मी,विज्ञान संयोजक ईन्द्रराज श्रेष्ठ,पुर्व प्राथमिक ईन्चार्ज अनिता शाक्य लगायतको आतिथ्यता रहेको थियो ।

कार्यक्रममा एसईई उत्रिर्ण विद्यार्थीलाई बधाई,कक्षा ११ मा भर्ना हुनुभएका विद्यार्थीलाई स्वागत र १२ कक्षा पास भएका विद्यार्थीलाई बधाई ज्ञापन गरीएको थियो । विद्यार्थीहरुलाई विद्यालयले टिका,जमरा लगाई एक एक वटा पेन दिएर स्वागत तथा बधाई ज्ञापन गरीएको थियो । कार्यक्रममा विद्यालयका विद्यार्थी भाईबहिनीहरुले सांस्कृतिक प्रस्तुती समेत प्रस्तुत गरेका थिए ।