ब्यवहारिक शिक्षा अभिवृद्धिका लागी न्यू किवो बोर्डिङ स्कुलमा शुभकामना आदान प्रदान

धादिङबेशी । धादिङबेशी पुछारबजारमा रहेको न्यू किवो बोर्डिङ स्कुलले बिद्यार्थीहरुलाई ब्यवहारिक शिक्षामा जोड दिदै दशैको शुभकामना आदान प्रदान कार्यक्रम सम्पन्न गरेको छ ।

नेपालीहरुको महान चाड बिजयादशमी नजिकदै गर्दा बिद्यालयले आफ्ना बिद्यार्थीहरु बिच टिका र जमरा लगाई आशिवार्द प्रदान गरि शुभकामना आदान प्रदान गरेका हुन् ।

हामीहरुको रितिरिवाज, संस्कृति र परम्परालाई जगेर्ना गर्नुको साथै बिजया दशमी लगाएतको चाडबाडमा गरिने संस्कारको ब्यवहारिक शिक्षा प्रदान गर्ने उदेश्यले टिका र जमरा सहितको शुभकामना आदान प्रदान गरिएको बिद्यालयका प्रिन्सिपल प्रयास रेग्मीले बताउनु भयो ।

सांस्कृतिक कार्यक्रम समेत गरिएको सुभकामना आदान प्रदान कार्यक्रममा व्यवहारीक शिक्षा अन्तर्गत साना कक्षाका वाल वालिकाहरुले आफैले उमारेर लेराएका जमराहरूको प्रदर्शनी समेत गरिएको थियो ।