नीलकण्ठ नगरपालिकाको आयोजनामा वडा नम्बर १३ बिमीरेमा एक दिने एकीकृत घुम्ती शिविर सम्पन्न

धादिङ,२१ असोज 
धादिङको नीलकण्ठ नगरपालिका वडा नम्बर १३ स्थित बिमीरेमा एक दिने एकीकृत घुम्ती शिविर सम्पन्न भएको छ ।स्थानीय नागरिकहरुलाई घरआँगनमै सेवा दिने उदेश्यले एकिकृत घुम्ती शिविरको आयोजना गरीएको नीलकण्ठ नगरपालिकाका उप प्रमुख दिपक विश्वकर्माले जानकारी दिनुभयो । नीलकण्ठ नगरपालिका वडा नम्बर १३ का वडा अध्यक्ष सोम बहादुर गुरुङको अध्यक्षतामा सम्पन्न भएको शिविरमा नगर उप प्रमुख दिपक विश्वकर्माको प्रमुख आतिथ्यता रहेको थियो ।

कार्यक्रममा प्रमुख प्रशासकीय अधिकृत पुरुषोत्तम सुवेदी, सामाजिक विकास समितिका संयोजक चिनामायाँ श्रेष्ठ, बरिष्ठ जनस्वास्थ्य अधिकृत विष्णु रिजाल लगायतको आतिथ्यता रहेको थियो । शिविरमा स्वास्थ्य परिक्षण तथा औषधी वितरण,जेष्ठ नागरिक परिचय पत्र वितरण,अपाङ्गता परिचयपत्र वितरण,गोवर परिक्षण,एन्टिरेबिज सेवा,पशु बिरामीहरुलाई औषधी वितरण,खकार परिक्षण सेवा प्रवाह गरीएको थियो ।

शिविरमा ७७ जनालाई स्वास्थ्य परिक्षण र औषधी वितरण,भिआईए परिक्षण ३ जनाको, खकार परिक्षण ९ जनाको,२४ वटा जेष्ठ नागरिक कार्ड वितरण,३वटा अपाङ्गता कार्ड वितरण,७७ जना कृषकहरुले पशु सेवा ,२ वटा कुकुरलाई एन्टिरेविज सुई र ६८ जनालाई बैदेशिक रोजगार सम्बन्धी परामर्श तथा कानुनी परामर्श सेवा प्रदान गरीएको बरिष्ठ जनस्वास्थ्य अधिकृत विष्णु प्रसाद रिजालले जानकारी दिनुभयो । शिविरमा जनस्वास्थ्य अधिकृत विष्णु प्रसाद रिजाल, महिला बालबालिकातथा जेष्ठ नागरिक शाखाका निर्मला केसी,शाखा अधिकृत उर्मीला थपलिया,सामी कार्यक्रम संयोजक दिनेश दुवाडी,सुचना तथा परामर्शकर्ता विनोद ढकाल, कृषि तथा भेटनरी शाखाका सुवास खतिवडा, अशोक दुवाडी,रिटर्नी स्वयमसेवक रामजी ईटनी लगायतल सेवा प्रवाह गर्नुभएको थियो ।