जनसेवक बचत तथा ऋण सहकारी संस्था लिमिटेडको १३ औँ बार्षिक साधारण सभा सम्पन्न

धादिङबेशी । जनसेवक बचत तथा ऋण सहकारी संस्था लिमिटेडको १३ औँ बार्षिक साधारण सभा सम्पन्न भएको छ । संस्थाका अध्यक्ष बिष्णु प्रसाद रिजालको अध्यक्षतामा भएको कार्यक्रममा नेपाल राष्ट्रिय निजामती कर्मचारी संगठन धादिङका अध्यक्ष कृष्ण कुमार श्रेष्ठको प्रमुख आतिथ्यता रहेको थियो ।

कार्यक्रममा धादिङ अस्पताल बिकास समितिका अध्यक्ष राजाराम रिजाल, राष्ट्रिय कर्मचारी संगठनका केन्द्रिय प्रतिनिधि निर्मला केसीको बिशेष आतिथ्यता रहेको थियो ।
साधारण सभामा संस्थाका सचिव बालकृष्ण गुरुङले प्रस्तुत गर्नु भएको साङ्गठनिक प्रतिवेदन तथा कोषाध्यक्ष राजेश बराईलीले प्रस्तुत गर्नु भएको आर्थिक प्रतिवेदन सर्वसहमत पास गरिएको छ ।

जनसेवक कर्मचारीहरुको छरिएर रहेका स–साना पुँजीलाई संकलित गरि आयआर्जन बढाउने उदेश्यले स्थापित सहकारीले आ.व.२०७९/८० मा ७४ हजार ४ सय ९२ नाफा कमाउन सफल भएको छ । धादिङ जिल्ला भर कार्यक्षेत्र रहेको जनसेवक बचत तथा ऋण सहकारी संस्था लिमिटेडले हाल संस्थाका शेयर सदस्यहरुलाई १२ प्रतिशतमा ऋण लगानी र ७ प्रतिशत बचतमा ब्याज दिँदै आएको छ ।