धादिङमा पुलबाट त्रिशुली नदीमा हामफाली एकजना बेपत्ता

धादिङ । धादिङको गजुरी गाउपालिका वडा न.५ घाटबेशी स्थित नयाँपुलबाट त्रिशुली नदीमा हामफाली एक जना बेपत्ता भएका छन् ।

सोमबार बेलुकी अन्दाजी साढे छ बजे तिर चप्पल र बागमती प्रदेश ०३–००५ प ४१७६ नं.को २२० सि.सि को एभेन्जर मोटरसाईकल पुलको बिचमा छाडी त्रिशुली नदिमा हाम फालेको स्थानियहरुले बताएका छन् ।

घटनाको जानकारी पाउनाका साथ उक्त स्थानमा इप्रका गजुरी बाट प्र.नि को कमाण्डमा प्रहरी टोली खटिएको थियो । हाल प्र.ना.उ.को कमाण्डमा १२ जनाको प्रहरी टोलीले खोजतालसको गरिरहेको जिल्ला प्रहरी कार्यालय धादिङले जानकारी दिएको छ ।

त्रिशुली नदिमा हाम फाली बेपत्ता भएको भनिएको पुरुष मकवानपुर जिल्ला हेटौडा उप महानगर पालिका २ चौकीटोल बस्ने नारायण प्रसाद देबकोटाको छोरा बर्ष ३८ को निरञ्जन देबकोटा रहेको भनि आफन्त सम्पर्कमा आएको कुरा जिल्ला प्रहरी कार्यालय धादिङले जानकारी दिएको छ ।