श्रोत परिचालन बचत तथा ऋण सहकारीको २६ औ वार्षिक साधारण सभाको दोस्रो एकाई भेला नीलकण्ठमा सम्पन्न

धादिङ,१४ असोज

श्रोत परिचालन बचत तथा ऋण सहकारीको संस्था लिमिटेडको २६ औ वार्षिक साधारण सभाको दोस्रो एकाई भेला तथा रक्तदान कार्यक्रम शनिवार नीलकण्ठ माविको प्राङ्गणमा सम्पन्न भएको छ । संस्थाका अध्यक्ष रुद्र बहादुर खत्रीको अध्यक्षतामा सम्पन्न भएको भेलामा धादिङ जिल्ला बचत तथा ऋण सहकारी संघ का अध्यक्ष नवराज शर्माको प्रमुख आतिथ्यता रहेको थियो । कार्यक्रममा सस्थाका अध्यक्ष्य रुद्र बहादुर खत्रीले छलफलको प्रस्तावहरु र आव २०७९/८०को प्रगती प्रतिवेदन तथा आव २०८०/८१ को वजेट प्रस्तुत गर्नुभएको थियो ।

त्यसैगरि सुपरिवेक्षण समितिका संयोजक दुर्गा अधिकारिले लेखा सुपरिवेक्षण समितिको प्रतिवेदन तथा सुझाव पेश गर्नु भएको थियो । एकाई भेलाले संचालक समितिको प्रस्ताव उपर छलफल गरि सर्वसम्मत पारित गरेको छ । साथै उक्त साधारणसभा बैठकले एकाई प्रतिनिधिहरुको भेला २०८० असोज २३ गते हुने प्रतिनिधि एकाई भेलाको लागि प्रतिनिधि पठाएको छ ।वि.स २०५४ कार्तिक १२ मा २६ जनाद्वारा स्थापित संस्था हाल ७९७९ सदस्यहरु र ५६ करोड ११ लाख ६१ हजार कुल सम्पती रहेको छ ।

संस्थाको शाखा कार्यालयहरु गल्छी गाउँपालिकाको वडा नम्बर ७ गल्छीबजार र त्रिपुरासुन्दरी गाउँपालिका वडा नम्बर २ सल्यान्टारमा सन्चालनमा रहेका छन् ।सस्थाले आव २०७९।८० मा रु २ करोड ५७ लाख ३१ हजार नाफागरी १५.५ शेयर लाभांश र रु ५० लाख ८२ हजार संरक्षितपुजि फिर्ता को बापत गरि जम्मा रु १ करोड ४६ लाख रकम आफ्ना शेयर सदस्यहरुलाई बाडने समेत निर्णय सर्वसम्मत गरेको छ ।