पाँच किलो चरेश सहित धादिङ गल्छीका दुई युवा काठमाण्डौँबाट पक्राउ

धादिङ,१३ असोज
धादिङ गल्छी गाउँपालिकाका दुई युवालाई शनिवार प्रहरीले काठमाण्डौमा पक्राउ गरेको छ । ५ किलो लागुऔषध चरेश सहित गल्छि गाउँपालिकाका दुई जना युवाहरुलाई काठमाण्डौँको कालधाराबाट पक्राउ गरेको हो। पक्राउ पर्नेमा धादिङको गल्छी गाउँपालिका–५ का ३१ वर्षीय गोविन्द तामाङ र सोही ठाउँका २७ वर्षीय मुस्कान लामा रहेका छन्। उनीहरुको साथबाट प्रहरीले सात थान एटीएम कार्ड, नेपाली ९ हजार रुपैयाँ र ४ बाग्मति प्रदेश ०२–०२३ प ९४८१ नम्बरको २२० सीसीको पल्सर मोटरसाइकल पनि बरामद गरेको छ।